Jona 3:9 - Edo Bible (E Baibol Ẹdo) Version 1996

⁹ Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

Jona 3:9 ပူးပေါင်းရင်းမြစ်များ

II Samuẹl 12:22

E Devid keghi wanniẹn wẹẹ, “Erriọ nọ, ẹghẹ ne ọmọ nii na rre agbọn, I viẹe, I ma vbe rrie evbare. I te gha ro wẹ e Nọyaẹnmwa gha tohan mwẹ, ẹ i ra vbe gie ọmọ nii wu.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 85:3

u dobọ ohu ne a mu ghe iran yi, u keghi vbe gbe ibiẹ rriẹ vbe ohu ruẹ nọkhua.

Psalm 90:13

Vbe ohu ruẹ ghi ra kpee sẹ hẹ vbe otọ yi? Nọyaẹnmwa, tohan avbe eguọmwadia ruẹ.

Jerimaia 26:13

Wa fi uyinmwẹ uwa werriẹ, kevbe emwi ne uwa ru, ne uwa gha họn ẹmwẹ ne Nọyaẹnmwa ne Osanobua uwa. Wa gha ru vberriọ rẹn gha vbe fi ekhọe werriẹ vbekpa ọkhọ ne ọ wẹ ọ gha rruan uwa.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Jona 1:15

Iran keghi tọn e Jona mu, iran na fi ẹe fi ẹzẹ, ọ keghi wa hunmwan hii vbe ọwarọkpa ni.

Jona 1:6

Ọka oziguẹ keghi miẹn ọẹn vbe evba, ọ tama rẹn wẹẹ, “Vbe u a ru yi, te uwẹ vbiẹ? Kpaegbe, ne u tu tie Osanobua ruẹ wẹ ne ọ bu rre. U ghaghe ohan mwa gha to ẹe, ọ ghi gie ima miẹn uhunmwu.”

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

I Samuẹl 6:5

Wa ghi mannọ amazẹ ọghe avbe uruvba kevbe ofẹn nii ya ẹvbo uwa rrie na, ne uwa vbe miẹn orukhọ uwa kue ma Osanobua Izrẹl. U ghaghe ọ ghi dobọ oya ne ọ ya rri uwa, kevbe ẹbọ uwa kevbe otọ uwa re yi.