Jona 3:6 - Edo Bible (E Baibol Ẹdo) Version 1996

⁶ Ugbẹn vbe ọba e Ninevi ghi họn, ọ keghi kpaegbe vbe ẹkete ọ keghi ban ẹwu ẹre mu fua, ọ na viọ ukpọn akhiẹ yọ, ọ na tota ye uwu emuẹn.

Jona 3:6 ပူးပေါင်းရင်းမြစ်များ

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

Job 2:8

E Job keghi ya tota ye otiku, ọ na rhie ebunbunmwẹhẹn ya gha hia erhọn.

Job 42:6

Rhunmwuda ọnii, ekhue ẹmwẹ ne I talọe hia mu mwẹ. I roiro fiwerriẹ vbe uwu ebubẹ kevbe emuẹn.”

Aizaia 15:3

Emwa ni khian vbe ore viọ ukpọn akhiẹ rhuan, emwa gha viẹ, iran vbe khiẹ vbe adesẹ ughe kevbe ẹrhunrhun owa.

Jerimaia 13:18

E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Jerimaia 36:13

E Mikaia keghi talọ emwi hia ne ọ họẹn vbe Barọk tie ebe ma avbe emwa nii, ma iran.

Jerimaia 36:24

Sokpan ke ọba kevbe avbe ekhaẹmwẹ ọnrẹn ne ọ họn ẹmwẹ na hia, ọkpa ne ohan vbe mu, ra ne ọ vbe rhie ma wẹ ọ da iran ẹ i rrọọ.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Eve Orriara 2:10

Avbe eniwanrẹn e Jerusalẹm tota lele otọ vbe ahunwan hii, iran zẹẹ ebubẹ ye uhunmwu, iran keghi viọ ukpọn akhiẹ ye egbe. Evbokhunvbi hia hie uhunmwu ghe otọ.

Eve Orriara 3:29

Te ọ kere ne ima ya amuegberriotọ gha gbe uhunmwu kotọ rhunmwuda u ghaghe, idaehọ ghi ye gha rrọọ.

Ezikiẹl 26:16

Avbe ọba avbe uhunmwu ẹvbo nii ghi gua okọ ye okun hia, gha tuorre ke ẹkete iran rre. Iran gha kie ẹwu iran kevbe ukpọn ne a do ọghe iran, iran ghi tota lele otọ gha guọ zẹzẹzẹ. Emwi ne ọ rruan ruẹn gha mu iran ohan sẹrriọ wẹ, iran i ghi ra sẹtin dobọ uguọmwẹ yi.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Maika 1:10

Ghẹ tama avbe eghian mwa ni rre Gat vbene obọ ke ukhunmwu ne ima hẹ; ghẹ gie iran bẹghe ruẹ vbe u viẹ. Wa ne ivbi Bẹt Leafra, wa gha wunnu vbe otọ ne uwa ya rhie ma vbene ọ balọ uwa hẹ.

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.

Iyẹn ne ọ Maan Ọghe Luk 10:13

“Ọ gha ba suẹ gbe Korazin! Ọ gha ba suẹ gbe Bẹtsaida! Rhunmwuda, akpawẹ a winna iwinna ọyunnuan ne a winnaẹn vbe uwu uwẹ vbe Taia kevbe Saidọn, ẹ i re eban emwa ni rrọọ gha ghi tota lele otọ, iran ghi silo osọnmwẹ ukpọn ye egbe, iran ghi gbe emuẹn ye egbe, ne iran ya rhie ma ighe iran roiro fi ekhọe werriẹ vbe orukhọ ne iran te ru.