Jona 3:5 - Edo Bible (E Baibol Ẹdo) Version 1996

⁵ Emwa e Ninevi keghi ya ẹmwẹ Osanobua yi. Iran keghi ta ẹe wẹ ne emwa hia yo aguẹ, ẹre emwa nii hia, kevbe ne ọ kpọlọ sẹẹ ya sẹ ne ọ kanmwa sẹ, keghi viọ ukpọn akhiẹ rhuan, ne iran ya rhie ma ighe iran fi uyinmwẹ werriẹ nẹ.

Jona 3:5 ပူးပေါင်းရင်းမြစ်များ

II Ọba 19:1

E Hẹzekaia ne ọba ghi wa họn iyẹn ne iran naẹn, ọ keghi ye akhiẹ sọ ukpọn irẹn uan, ọ keghi yọ ukpọn akhiẹ, ọ na gha rrie Ọgua Osa e Nọyaẹnmwa.

II Krọnikol 20:3

Udu ke wa e Jehosiafat, ọ keghi na erhunmwu ghe Nọyaẹnmwa wẹ ne ọ giodẹ ma irẹn emwi ne irẹn gha ru. Ọ keghi wẹ ne emwa hia ni rre ẹvbo nii hia wa gha rrie aguẹ.

Ẹzra 8:21

A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.

Ẹsta 4:1

E Modekai ghi họn avbe emwi na hia ni sunu, ọ keghi sọ ukpọn ye egbe ẹre ẹkun, ọ keghi viọ ukpọn akhiẹ yọ, ọ keghi zẹ emuẹn yan uhunmwu, ọ keghi khian la ẹvbo nii lẹga vbene ọ na wa kpe orhu eve orriara.

Ẹksọdọs 33:6

Rhunmwuda ọnii, ke uhunmwu oke Sainai kpao, ivbi Izrẹl ma ghi viọ ikpẹrọnmwọ itegbe iran ye egbe ọvbehe.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 36:9

Vbe uki ne ogihinrin, ọghe ukpo nogisẹn ne Jehoiakim na gha re ọba e Juda, avbe emwa nii keghi yo aguẹ ya gualọ aro ne ọ maa vbe obọ e Nọyaẹnmwa. Emwa hia ni rre Jerusalẹm deba avbe emwa ni kee avbe okpẹvbo ni rre e Juda rre ọ re ọ yo aguẹ na.

Jerimaia 42:1

Ẹre avbe ọkaokuo hia, deba ẹ Johanan ne ovbi e Karea kevbe Azaraia, ne ovbi e Hosiaia na viọ emwa ughughan ni rre ukpo ughughan gha dee,

Jerimaia 42:8

Rhunmwuda ọnii, I keghi tie Johanan, avbe ọkaokuo hia ni gu ẹe rrọọ kevbe emwa nekpa hia.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Joẹl 1:14

Wa ta ẹe wẹ ne emwa gha rrie aguẹ wa tie emwa si koko! Wa si avbe ọkaolotu, kevbe ivbi e Juda hia, koko ye uwu Ọgua Osa, ọghe Nọyaẹnmwa ne Osanobua uwa, ne uwa kpe tie ẹre.

Jona 3:7

Ọ keghi gie ne a tama emwa e Ninevi wẹẹ, “Ọba kevbe ekhaẹmwẹ ọnrẹn ọre ọ gie uhunmwu na rre wẹ: ọmwa ikọmwa ghẹ rri evbare rhọkpa, emwa ne agbọn, ẹmila kevbe ohuan, a wẹ ne iran ghẹ re, iran ghẹ da.

Matiu 12:41

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ rhunmwuda iran fiwerriẹ vbe iran họn ikporhu e Jona. Ne I tama uwa, emwi ne ọ sẹ Jona rre emwa na.

Iyẹn ne ọ Maan Ọghe Luk 11:32

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ, rhunmwuda iran zobọ vbe orukhọ vbe iran họn ikporhu e Jona, ne I tama uwa ighẹ emwi ne ọ sẹ Jona rre emwa na.

Iwinna 27:25

Rhunmwuda ọnii, iho mwa, wa rhie orhiọn ye iwu! Rhunmwuda mẹ mu ẹtin yan Osanobua wẹ vbene ọ khare ọre ọ khian gha ye.

Iwinna 8:10

Emwa hia ni rre ore ẹvbo ni, ke egbe ibiẹka ya sẹ egbe eniwanrẹn, keghi wa gha danmwehọ ẹre ẹsẹse. Iran kegha kha wẹẹ, “Rẹn ọrọre ẹtin ọghe Osanobua ọkpa ne a tie ẹre ‘Ẹtin Nọkhua.’ ”

Hibru 11:1

Ne a gha mwẹ iyayi ọrọre ne I aro ọmwa da emwi ne a mwẹ idanmwehọ ẹre, ne ekhọe ọmwa mu emwi ne a ma he dẹghe.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”