Jona 3:4 - Edo Bible (E Baibol Ẹdo) Version 1996

⁴ E Jona keghi gha la ẹvbo ni khian, Ọ ghi khian okhian ẹdẹ hoho nẹ, ọ wẹẹ, “Vbe ọ te sẹ ikpẹdẹ iyeva, a gha fuẹn Ninevi ua!”

Jona 3:4 ပူးပေါင်းရင်းမြစ်များ

II Ọba 20:1

Ọ ghi sẹ ẹghẹ ne a kha na, e Hẹzekaia kegha khuọnmwi, ọ kẹ ekherhe ne ọ wu. Aizaia ne akhasẹ ne ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa wẹ ne u dọlọ emwi hia yi rhunmwuda u i ra fe. Mu egbe ne u gha ya wu.”

II Ọba 20:6

I gha rhie ukpo ekesugie ba ẹdẹ agbọn ruẹn. I gha miẹn uwẹ kevbe ẹvbo na fan vbe obọ ọha nọkhua ọghe Asiria rhunmwuda ekpẹn ne egbe mwẹ kevbe rhunmwuda eyan ne I yan ne Devid ne ọguọmwadia mwẹ.”

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Jerimaia 42:10

‘A deghẹ wa ho ne uwa ye gha rre otọe na, ẹghẹ nii, I gha dọlọ uwa yi. I i ghi ra vbe rhia uwa a. I gha mu uwa mudia, I i ra silo uwa vbọlọ. Ọkhọ ne I gie ẹe rruan uwa, wa ya ẹko mwẹ rhiaa ẹsẹse.

Jona 3:10

Osanobua keghi miẹn emwi ne iran ru, ọ miẹn wẹ iran mu uyinmwẹ dan iran fua. Rẹn keghi rhunmwuda ọnii fi ekhọe werriẹ, ọ ma ghi rri iran oya vbene ọ te wẹ rẹn gha ru.

Matiu 12:41

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ rhunmwuda iran fiwerriẹ vbe iran họn ikporhu e Jona. Ne I tama uwa, emwi ne ọ sẹ Jona rre emwa na.

Iyẹn ne ọ Maan Ọghe Luk 11:30

Zẹ vbene Jona gha re ama ne emwa Ninevi, erriọ Ovbi Ọmwa ra gha re ama ne orre na.

Iyẹn ne ọ Maan Ọghe Luk 11:32

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ, rhunmwuda iran zobọ vbe orukhọ vbe iran họn ikporhu e Jona, ne I tama uwa ighẹ emwi ne ọ sẹ Jona rre emwa na.

Diuteronomi 18:22

A deghẹ akhasẹ ya eni e Nọyaẹnmwa guan ighẹ ẹmwẹ ne ọ ta ẹe ma sẹ, a ghi rẹn ighẹ ẹ i re Nọyaẹnmwa ọ re ọ gie ẹe. Akhasẹ ni ẹmwẹ obọ ẹre ọ re ọ ta ẹe, wa ghẹ gha mu ohan rẹn.”