Jona 3:2 - Edo Bible (E Baibol Ẹdo) Version 1996

² Ọ wẹẹ, “Gha rrie Ninevi, ẹvbo nọkhua nii, ne u tama emwa nii uhunmwu ne I giọ re.”

Jona 3:2 ပူးပေါင်းရင်းမြစ်များ

Ẹsta 9:31

Ọ na tama iran wẹ ne iran kevbe ivbi uniẹn iran, ne iran gha ru emwiukpo a Purim vbe ẹghẹ ọre, zẹ vbene iran vbe da obọ mu ẹmwẹ ẹghẹ ne a ya yo aguẹ kevbe ẹghẹ akhiẹ. Ẹsta ne Oloi kevbe Modekai, ọ re ọ gba gbẹn uhi na ne iran.

Ẹksọdọs 4:28

E Mosis keghi tama Errọn emwi hia ne Osanobua tama rẹn vbe ẹghẹ ne ọ na gie ẹe, ne ọ werriegbe gha rrie Igipt kevbe avbe emwi ọyunnuan ne Nọyaẹnmwa wẹ ne ọ ru.

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Ezikiẹl 2:7

U ghi gha tama iran, ẹmwẹ ne I gha tama ruẹn wẹ ne u ta, deghẹ iran hoẹn ra iran ma họn. Yerre wẹ etẹ ọ re iran khin.

Ezikiẹl 3:17

“Ovbi ọmwa, I ra ya a ru abodẹ ne Izrẹl. U ghi tama iran emwi ne I ya bu iran ude khẹ ọ dee.

Jona 1:2

Ọ wẹẹ, “Gha rrie Ninevi, okpẹvbo nọkhua nii, ne u ya ta ku ọre, I rẹn vbene emwa rẹn mwẹ ekhọe dan hẹ.”

Jona 3:1

E Nọyaẹnmwa keghi vbe dọlegbe gu e Jona guan.

Jona 3:3

E Jona keghi ru vbene Nọyaẹnmwa khare, ọ na gha rrie Ninevi, ẹvbo ne ọ kpọlọ sẹrriọ wẹ ikpẹdẹ eha ọre a ya ye owẹ fian ẹẹn rra.

Matiu 3:8

Wa gie uyinmwẹ uwa rhie ma ighe wa gele zobọ vbe orukhọ ne a ru.

Iyẹn ne ọ Maan Ọghe Jọn 5:14

Ọ ghi kpẹe kherhe, Jesu miẹn ọẹn vbe uwu Ọgua Osa, ọ keghi tama rẹn wẹẹ, “Vbe ne egbe na rran ruẹ nẹ nian, u ghi zobọ vbe emwi dan ne u ru, ne emwi ne ọ khọrhiọn sẹ ọna ghẹ dekun ruẹn.”