Jona 2:6 - Edo Bible (E Baibol Ẹdo) Version 1996

⁶ Mẹ keghi gha rrie otọ, ehe ne avbe oke nekhua ke zọ kpao, gha rrie ẹvbo ne a khui urho ẹre gbua ẹdẹdẹmwẹdẹ. Sokpan, wẹ ne Nọyaẹnmwa Osanobua mwẹ, keghi si mwẹ ke ẹmwẹ ne unu ke uwu odin gha dee.

Jona 2:6 ပူးပေါင်းရင်းမြစ်များ

Job 33:24

Odibosa nii ghi ya itohan kha wẹẹ, ‘Wa fan ẹẹn ye otọ. Ẹ i rrie ehe ne iran ni wulo nẹ ye. Wa ghe emwi ne a ya dẹ ọẹ werriegbe, ne u wa rhan rẹn.’

Job 33:28

Ọ ma gunmwẹ gha rrie ehe ne iran ni wulo nẹ ye. I ye rre agbọn.’

Psalm 104:6

U mu okun rhu ẹe zẹvbe ẹwu, amẹ keghi gue avbe oke muotọ.

Psalm 104:8

Iran lẹ la oke gberra la iya, gha rrie ehe ne u mwa ye otọ ne iran.

Psalm 116:3

Ẹbe ọghẹ uwu te lẹga mwẹ; orrirri idin te lẹga mwẹ; ohan kevbe ohawa te ra gbe mwẹ uan.

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 16:10

rhunmwuda wẹ degue mwẹ hin ẹtin uwu rre nẹ. Ọmwa ne uwẹ ho ẹmwẹ ọnrẹn nẹ, wẹ ira sẹ ọe rae ye otọe iran ni wulo nẹ.

Psalm 18:5

Ebe ọghe uwu te lẹga mwẹ nẹ idin keghi te rhuẹ ifi khẹ mwẹ,

Psalm 30:3

u fan mwẹ vbe obọ idin. I te khian rriẹ ne vuun nẹ vbe uwu otọ u keghi dọlegbe rhie arrọ mwẹ mẹ.

Psalm 30:9

“De ere ne ọ rrọ nuẹn deghẹ I wu? De ere ne ọ rrọ deghẹ I la idin? Avbe orinmwi vbe sẹtin rho ruẹ ra? Iran gha sẹtin mu itohan ruẹn ne ẹi fira go ra?

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Psalm 65:6

Ẹtin ruẹn ọ re u ya munọ avbe oke ye ihe iran, u keghi rhie iwegbe ruẹ nọkhua maa.

Psalm 69:2

Te I dinmwi ye uwu ọrho ne ọ dinmwi otọe ne ọ kae i rrọ, uwu odin ọ re I wa ye te ubimwẹ amẹ ghi ra gbe mwẹ ye ẹzẹ.

Aizaia 38:10

I te gha ro wẹ vbe ẹghẹ ne agbọn na wa ma mwẹ na te I ghi rrie agbọn iran ni wulo nẹ ne I ghẹ lo ẹdẹ mwẹ hia ne a rhie mẹ.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Aizaia 40:12

A gha miẹn ọmwa ne ọ gha ye atataobọ mwa amẹ okun ra ne ọ ya obọ mwa iso? A gha miẹn ọmwa ne ọ gha ya ukpu mu ekẹn ne otọe, ra ne ọ ya omwa mwa avbe oke nekhua kevbe negiẹrẹ?

Ezikiẹl 26:20

I gha gie uwa gha rrie ẹvbo emwa ni wulo nẹ ne uwa ya deba avbe emwa ni ka gha rrọ ẹkpo nẹdẹ. I gha ru ẹe ne uwa gha rre agbọn ne ọ rre uwu otọ nii, vbe ehe ne avbe itowa etẹbitẹ nii ye ne uwa vbe avbe emwa ni wulo nẹ gba gha muobọ. Rhunmwuda, a i ghi ra dọlegbe yin uwẹ ne uwẹ ye rhie ihe ruẹ vbe uwu ẹbu avbe emwa ni ma he wu.

Ezikiẹl 31:14

Rhunmwuda ọnii, ke ẹghẹ na kpao, a i ghi miẹn erhan, ne ọ gha ye tan vberriọ ọvbehe vbene ọ khọnrẹn wẹ ne a gbe amẹ khakha ẹe sẹ hẹ, ẹ i ghi ra ya uhunmwu ha ikpakpiso gberra ọvbehe ne ọ ye ya tan sẹ vberriọ. Te iran hia ra wulo zẹ vbe emwa kẹkan, te iran ra ya egbe ba iran ni tuorre rrie ẹvbo iran ni wulo nẹ.”

Habakọk 3:10

Ugbẹn vbe avbe oke nekhua bẹghe ruẹ, iran kegha guọ zẹzẹzẹ, amẹ keghi ke iso hihiẹ rre. Amẹ ne ọ rre ototọ otọ vannọ ọẹn, ubi mwẹ amẹ ọnrẹn keghi hue ẹsẹse.

Habakọk 3:6

Ọ gha demudia agbọn ghi mu rueghe; ọ gha fi aro rre, avbe uhunmwu ẹvbo ghi gha guọ zẹzẹzẹ. A zanzan avbe oke ẹrẹkhẹrẹ ua avbe oke etẹbitẹ kpero la uwu otọ, avbe oke ne irẹn nanaẹn ẹkpo nẹdẹ.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.