Jona 2:4 - Edo Bible (E Baibol Ẹdo) Version 1996

⁴ I te gha ro wẹ a kanmwẹ fua hin odaro ruẹ rre nẹ, kevbe wẹ, mẹ I ghi dọlegbe ye aro kan ọgua Osa ruẹ nọhuanrẹn ọvbehe.

Jona 2:4 ပူးပေါင်းရင်းမြစ်များ

I Ọba 8:48

A deghẹ iran gele roiro fi ekhọe werriẹ vbe odẹ vbe ẹmwata, iran gha mu aro da otọe na ne uwẹ mu ne avbe erha iran na erhunmwu ghe ruẹ, ẹvbo na ne uwẹ zẹe kevbe Ọgua Osa na ne I bọe nuẹn,

I Ọba 9:7

ẹghẹ nii I ghi viọ ivbi Izrẹl ne emwa mwẹ hin otọe ne I mu ne iran rre. I ghi fi iyeke gbe Ọgua Osa na ne I ya khian ne ọ huanrẹn ne a ya gha ga mwẹ, emwa hia ghi gha giẹ Izrẹl vbe ehe hia, iran ghi vbe gha yagha ẹe.

II Krọnikol 6:38

A dẹghe iran gele roiro fi uyinmwẹ werriẹ vbe ẹkoata ne ọ sẹ otọ ẹko, iran na mu aro da otọ na ne uwẹ mu ne avbe erha mwa odede, ẹvbo na ne uwẹ zẹe kevbe Ọgua Osa na ne I bọ ne uẹn, gha na erhunmwu ghe ruẹ.

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 42:8

E Nọyaẹnmwa, ne ọ gie aho ẹmwẹ ọmwa rẹn ne ẹ i beghe rhie egbe maa vbe ẹghẹ avan. Ne i miẹn ehe ne miẹn ihuan so vbe asọn, erhunmwu ghe Osanobua ẹdagbọn mwẹ.

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Psalm 88:6

U fi mwẹ fi uwu udinmwimwẹ idin, la uwu uvun ne ọ so ebiebi sẹẹ, kevbe ne ọ dinmwi sẹẹ.

Psalm 88:7

Ohu ruẹ gha yẹnyẹn mwẹ ginna otọ, a rẹnkhẹn mwẹ uan ye ototọ ulẹmwẹ ẹzẹ ọre.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Aizaia 49:14

Sokpan, ivbi e Jerusalẹm keghi kha wẹẹ, “E Nọyaẹnmwa hee ima yotọ nẹ! Ọ mianmian ima nẹ.”

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 7:15

I gha khulo uwa hin odaro mwẹ rre, zẹ vbe ne I vbe khulo avbe etẹn uwa ladian ighe ivbi Izrẹl. Mẹ ne Nọyaẹnmwa ọ re ọ tae.”

Eve Orriara 3:54

Amẹ keghi suẹn gha ro gue mwẹ, mẹ keghi te ro wẹ uwu sẹ otọ fo nẹ.

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Jona 2:7

Ẹghẹ ne I na miẹn wẹ ẹdẹ mwẹ rrie dọn ọn, mẹ keghi na erhunmwu ghe ruẹ Nọyaẹnmwa u keghi họn ọghomwẹ ke uwu ọgua Osa ruẹ nọhuanrẹn gha dee.