Jona 2:2 - Edo Bible (E Baibol Ẹdo) Version 1996

² “I kpetie ruẹ Nọyaẹnmwa, vbe usẹ, mwẹ, wẹ keghi zẹ mwẹ wanniẹn mwẹ. Ehe ne ọ dinmwi vbe ẹvbo iran ni wulo nẹ I tu nọ iyobọ, u keghi họn ọghomwẹ.

Jona 2:2 ပူးပေါင်းရင်းမြစ်များ

II Krọnikol 33:12

Oya ghi rrio ẹ nẹ, aro ẹre keghi rriotọ, ọ na werriegbe bu e Nọyaẹnmwa ne Osanobua ẹre gha dee, ọ na rinmwian ẹn wẹ ne ọ yi irẹn obọ.

Psalm 116:3

Ẹbe ọghẹ uwu te lẹga mwẹ; orrirri idin te lẹga mwẹ; ohan kevbe ohawa te ra gbe mwẹ uan.

Psalm 120:1

Ẹghẹ ne I na gha rre uwu ibaro, I kpe tie Nọyaẹnmwa, ọ kevbe zẹ ẹmwẹ wanniẹn mwẹ.

Psalm 16:10

rhunmwuda wẹ degue mwẹ hin ẹtin uwu rre nẹ. Ọmwa ne uwẹ ho ẹmwẹ ọnrẹn nẹ, wẹ ira sẹ ọe rae ye otọe iran ni wulo nẹ.

Psalm 22:24

Rẹn i mianmian ivbiogue, ra ne ọ fi aro a vbe iran rri oya, ẹi vbe fi iyeke gbe iran, sokpan, iran gha nọ iyobọ, ọ ghi khuẹnniẹn.”

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 4:1

Họn urhu mwẹ vbe i a gha na erhunmwu Osanobua ne ọ gbinna mẹ. Ẹghẹ ne I na gha rre uwu ukpokpo, wẹ ọ re ọ yọmwẹ obọ. Tohan mwẹ nian, ne u vbe họn erhunmwu mwẹ.

Psalm 61:2

Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

Psalm 65:2

Rhunmwuda ne u na họn erhunmwu, emwa hia gha ke ehe hia bu ruẹ rre, rhunmwuda orukhọ iran.

Psalm 86:13

U miẹn vbe ahoẹmwọmwa ruẹn ne ẹ i beghe kpọlọ ghe mwẹ hẹ! U yuo mwẹ hin idin tobọ ẹre rre.

Aizaia 14:9

“Agbọn avbe emwa ni wulo nẹ, wa mu egbe ne iran ya gbe ọbokhian ne ọba e Babilọn. Orhiọn avbe emwa ni gha mwẹ ẹtin vbe agbọn, gha khian yo khian rre. Orhiọn avbe ọba gha guakpao vbe ẹkete iran.

Eve Orriara 3:55

“Ototọ uvun ni ọ re imẹ ke kpetie ruẹ Nọyaẹnmwa.

Ezikiẹl 26:20

I gha gie uwa gha rrie ẹvbo emwa ni wulo nẹ ne uwa ya deba avbe emwa ni ka gha rrọ ẹkpo nẹdẹ. I gha ru ẹe ne uwa gha rre agbọn ne ọ rre uwu otọ nii, vbe ehe ne avbe itowa etẹbitẹ nii ye ne uwa vbe avbe emwa ni wulo nẹ gba gha muobọ. Rhunmwuda, a i ghi ra dọlegbe yin uwẹ ne uwẹ ye rhie ihe ruẹ vbe uwu ẹbu avbe emwa ni ma he wu.

Ezikiẹl 31:14

Rhunmwuda ọnii, ke ẹghẹ na kpao, a i ghi miẹn erhan, ne ọ gha ye tan vberriọ ọvbehe vbene ọ khọnrẹn wẹ ne a gbe amẹ khakha ẹe sẹ hẹ, ẹ i ghi ra ya uhunmwu ha ikpakpiso gberra ọvbehe ne ọ ye ya tan sẹ vberriọ. Te iran hia ra wulo zẹ vbe emwa kẹkan, te iran ra ya egbe ba iran ni tuorre rrie ẹvbo iran ni wulo nẹ.”

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Iyẹn ne ọ Maan Ọghe Luk 11:10

Rhunmwuda ọmwa ne ọ rhirhi nọọn, ọ gha sẹ ọre obọ, ne ọ gualọe gha miẹn, a gha kie ne ne ọ sobọ.

Iyẹn ne ọ Maan Ọghe Luk 22:44

Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]

Iwinna 2:27

Rhunmwuda, wẹ i ra sẹ orhiọn mwẹ rae, ye agbọn iran ni wulo nẹ. Wẹ i ra gie ọguọmwadia ne ọ ho ẹmwẹ ruẹn, ye egbe miẹn ọ kẹkẹe.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

I Samuẹl 1:16

Ghẹ gha ro ighẹ okhuo ne ọ ku ogboi ọre I khin. Te I gha na erhunmwu vberriọ rhunmwuda agbọn khan mwẹ.”

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.