Jona 1:9 - Edo Bible (E Baibol Ẹdo) Version 1996

⁹ E Jona keghi wanniẹn tama iran wẹẹ, “Ovbi e Hibru mẹ khin. E Nọyaẹnmwa, Osanobua ne ọ yi otọe kevbe okun, ọre imẹ ga.”

Jona 1:9 ပူးပေါင်းရင်းမြစ်များ

Gẹnẹsis 1:10

Rẹn keghi tie otọe nii “Agbọn” ọ keghi tie amẹ ne a si koko nii “Okun.” Emwi ne Osanobua bẹghe keghi sẹ ọre ọyẹnmwẹ.

Gẹnẹsis 14:13

Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

Gẹnẹsis 24:7

Nọyaẹnmwa, Osanobua ẹrinmwi kevbe agbọn ọre ọ rhie mwẹ ke owa erha mwẹ ladian hin otọ avbe etẹn mwẹ rre, ọ na vbe yan ma mwẹ ighẹ rẹn gha mu otọ na ne imẹ kevbe uniẹn mwẹ, ọ gha gie odibo ẹre ke odaro nuẹn ne u miẹn ehe na miẹn okhuo rhie ne ovbi mwẹ vbe evba.

Gẹnẹsis 39:14

Ọ keghi tie ikpia ni rre owa ẹre wẹẹ, “Wa ghe o! Ọdafẹn mwẹ ọ re ọ mu ovbi e Hibru na ye owa, eban nian mẹ ọre ọ ghi yagha. Ọ bu mwẹ la ughugha ọ na wẹ ne I gie irẹn gun mwẹ ru emwi, ọ re I na rhie so zẹ vbe ne ẹho mwẹ sẹe.

II Ọba 17:25

Ẹghẹ ne iran na sẹ evba vbe okaro, iran ma ga e Nọyaẹnmwa, rẹn keghi rhunmwuda ọnii gie oduma gha khian, ọ na gbele eso vbe uwu iran.

II Ọba 17:28

Iran keghi rhunmwuda ọ na rhie ohẹn ne ovbi Izrẹl ọkpa ne a mu ke Sameria gha dee, gha rrie Bẹtẹl, ne ọ ya gha rre evba, ọ na ma emwa nii re vbene a ga e Nọyaẹnmwa hẹ.

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹzra 5:11

“Iran keghi wanniẹn wẹẹ, ‘Eguọmwadia Osanobua ọghe ẹrinmwi kevbe agbọn ọre ima khin, te ima dọlegbe bọ Ọgua Osa ne ọba ne ọ mwẹ ẹtin ọghe Izrẹl ka bọ, ọ na dẹlẹ emwi yọ vbe ẹghẹ ne ọ kpee fua, gha dee.

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Nehimaia 2:4

Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Job 1:9

Esu keghi wanniẹn wẹẹ, “E Job gha ga a ra adeghẹ ẹ i mwẹ ere ne ọ re vbọ?

Psalm 136:26

Wa rhie ekpọnmwẹ ne Osanobua ẹrinmwi, etẹbitẹ ọ re ahoẹmwọmwa rẹn khin.

Ẹksọdọs 1:15

Ẹre ọba na tama avbe ikhuo ni mu ivbi e Hibru ubiẹmwẹ, a tie ọkpa vbọ Sifra, a keghi tie nọkpa Pus wẹẹ,

Ẹksọdọs 2:13

Ẹdẹ ne ọ lele ẹe, ọ na vbe gha khian, ọ na miẹn ivbi e Hibru eva ni gu egbe iran gbinna, ọ keghi tama ne ọ ho ẹmwẹ vbọ wẹẹ, “Vbọzẹ ne u na gbe ovbi e Hibru ne ihua yi?”

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Filipai 3:5

Ọ rre uzọla ọkpa ne a biẹ mwẹ ọre a na rhuẹ mwẹ, ovbi eseserese Izrẹl ọre I khin, uniẹn ọghe Bẹnjamin, ovbi e Hibru na ma gua esagiẹn ọnrẹn. A gha wẹ ne a ta ọghe Uhi avbe Ju ne a ya ru emwi, e Farisi ọre I gha khin.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”

Arhie Maan 16:11

Iran keghi ya ẹbọ yan Osanobua ne ọ rre ẹrinmwi rhunmwuda ẹtẹ kevbe obaloọ iran, sokpan, iran ma ladian vbe odẹ dan ne iran ye.