Jona 1:6 - Edo Bible (E Baibol Ẹdo) Version 1996

⁶ Ọka oziguẹ keghi miẹn ọẹn vbe evba, ọ tama rẹn wẹẹ, “Vbe u a ru yi, te uwẹ vbiẹ? Kpaegbe, ne u tu tie Osanobua ruẹ wẹ ne ọ bu rre. U ghaghe ohan mwa gha to ẹe, ọ ghi gie ima miẹn uhunmwu.”

Jona 1:6 ပူးပေါင်းရင်းမြစ်များ

II Samuẹl 12:22

E Devid keghi wanniẹn wẹẹ, “Erriọ nọ, ẹghẹ ne ọmọ nii na rre agbọn, I viẹe, I ma vbe rrie evbare. I te gha ro wẹ e Nọyaẹnmwa gha tohan mwẹ, ẹ i ra vbe gie ọmọ nii wu.

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Psalm 107:6

Ẹghẹ nii, vbe uwu ọlọghọmwa iran, iran keghi da tie Nọyaẹnmwa, ọ keghi miẹn iran fan hin usẹ iran rre.

Psalm 78:34

Ọ gha gbele eso vbe uwu iran, nekpa ghi zẹgiẹgiẹ lẹ bu ẹre rre, iran ghi ro iro fi uyinmwẹ werriẹ, iran ghi gha na erhunmwu akekhọerre ghe ẹre.

Aizaia 3:15

Wa i mwẹ asẹ ne uwa gha ya gha piẹn emwa mwẹ ginnotọ, ne uwa vbe gha mu avbe ivbiogue vbuẹvbuẹ. Mẹ ne Udazi e Nọyaẹnmwa ne Oghodua ọ re ọ tae.”

Ezikiẹl 18:2

“Vbe ọ na khun itan ne iran kpa vbe Izrẹl yi wẹẹ, “ ‘Evbibiemọ ọ re ọ rri alimo ni kaẹn, sokpan ivbi iran ọ re akọn ghi do khẹkhẹ.’

Joẹl 2:11

E Nọyaẹnmwa ghi davan gie ivbiyokuo ẹre uhunmwu, otu iyokuo ni ru vbene ọ khare, wa bun ẹsẹse, iran vbe wegbe. U miẹn vbe ẹdẹ e Nọyaẹnmwa mu ohan hẹ. De ọmwa ne ọ gha miẹn uhunmwu vbọ?

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Jona 3:8

Wẹ ne emwa ne agbọn kevbe emwirri viọ ukpọn akhiẹ yọ. we ne dọmwadẹ ọghe ọe ye ekhọe hia na erhunmwu ghe Osanobua, ne dọmwadẹ ọghọe sẹ uyinmwẹ dan kevbe emwi dan ne ọ ru rae.

Jona 3:9

Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

Ebe ne Pọl gbẹẹn gie emwa Rom 13:11

Ọ kere ne uwa gha ru vbenian, rhunmwuda, wa rẹn vbene ẹghẹ kha hẹ na, ẹghẹ sẹ ne uwa gha ya rhiọrre vbe ovbe. Rhunmwuda, ẹghẹ ne a gha ya miẹn ima fan, ẹghẹ na ọre ọ na sikẹ otọ sẹ vbene ọ ye ẹghẹ ne ima na da yayi.

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”