Jona 1:3 - Edo Bible (E Baibol Ẹdo) Version 1996

³ Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Jona 1:3 ပူးပေါင်းရင်းမြစ်များ

Gẹnẹsis 3:8

Vbe ota nii, iran keghi họn vbe Nọyaẹnmwa Osanobua khian vbe uwe ogba, iran keghi mu erhan gue egbe ya lẹre ne ẹn.

Gẹnẹsis 4:16

E Keni keghi kpao vbe ehe ne Nọyaẹnmwa ye rre, ọ ke ya di otọe ne a tie eni ẹnrẹn “Enọkpolugho” ya vbe asefẹn ahọ ọghe Idẹni.

I Ọba 19:3

Ohan keghi mu Elaija ọ na lẹ fua, ọ keghi rhie ọguọmwadia ẹre ba egbe, ọ na lẹ gha rrie Biẹsiẹba vbe Juda. Ọ keghi vbe sẹ ọguọmwadia ẹre rae ye evba.

I Ọba 19:9

Ọ keghi la uwu uvun okuta vbe evba ne ọ vbiẹ evba ne ẹdẹ gbe. Vbe udomwurri, e Nọyaẹnmwa keghi gu ẹe guan wẹẹ, “Elaija vbe u a ru vbe emwa yi?”

II Krọnikol 2:15

Rhunmwuda ọnii nian, viọ nene avbe ọka, ọka irhuarhua, ayọn, kevbe ofigbọn oliv ne u kha re rre.

II Krọnikol 2:16

Ma gha giagia igẹdu sida ni rre uhunmwu oke Lebanọn zẹ vbe ne u ho, a ghi sele ehia kugbe, ma ghi gua ẹe la okun gha die Jopa. Wẹ sẹtin ke evba viọ iran gha rrie Jerusalẹm.”

II Krọnikol 9:21

Ọ kegha mwẹ ọgbagba okọ ni yo okun, ne iran vbe ọgbagba okọ ọghe Hiram gba yo okun. Ukpo eha ọre okọ ẹre ya werriegbe rri owa iran ghi vuọn ne igoru, esiliva, akọn eni, ọsa kevbe emẹ ne iran viọ gha dee.

Ẹzra 3:7

Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Job 1:12

E Nọyaẹnmwa keghi tama Esu wẹẹ, “Ọ maa khekherriọ. A viọ emwi hia ne ọ mwẹ yuẹ obọ, sokpan, ghẹ kuan irẹn tobọ ọre.” Ọre Esu na kpao.

Job 2:7

Esu keghi kpao hin odaro e Nọyaẹnmwa rre. Ọ na ya tue erhọn ni ghekpe ku e Job egbe hia, ke atataowẹ ya sẹ uhunmwu.

Psalm 107:23

Eso ya okọ gua okun rraa, uwu okun ọre iran na khuan igho evbare iran.

Aizaia 2:16

Avbe okọ ni kọnkọn ke ni mose sẹ, ọ gha gbele ehia ye ẹzẹ.

Aizaia 23:1

Uhunmwu ne a gie vbekpa Taia ọ re ọna khin. Gha go ugomwẹ akhiẹ, wa ne avbe oziguẹ ni gua vbe okun. E Taia ne eghute ẹvbo rua, a dunmwu ẹn ruan nẹ, avbe owa ni rrọ kevbe ehe ne okọ na yakọ khian itowa. Okọ uwa gha ke Saiprọs rre, wa gha họn iyẹn na.

Aizaia 23:10

Wa ya ye otọe nii mu ugbo, wa ne emwa ni rre avbe ẹvbo ne a bu ye Spen! Ọmwa ne ọ ghi tan obọ gaa uwa ighi rrọọ.

Aizaia 23:6

Wa gha kporhu eve orriara, wa ne emwa e Fonisia. Wa hia ne uwa lẹ gha rrie Spen.

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Jerimaia 10:9

Esiliva ni ke Spen rre a ya rhu amazẹ iran. Kevbe igoru ni ke Ufaz rre, iwinna ne avbe iran ni gue ona ye obọ ru a ya ukpọn ododo kevbe umẹ guee iran egbe, avbe iran ni do ukpọn ni guẹe ọ re ọ do ẹe.

Ezikiẹl 2:8

“Ovbi ọmwa, danmwehọ ẹmwẹ ne I tama ruẹn. Ghẹ sọtẹ vbene iran ye. Rhan unu uan ne u rri emwi ne I ra rhie ne uẹn.”

Ezikiẹl 27:12

“U ya winna vbe Spen, u na miẹn esiliva, ematọn, isan ematọn, kevbe oze ne a ya ha osa ye emwi ẹfe ruẹ ẹmimọ.

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

Jona 1:10

E Jona keghi tama iran wẹ te irẹn ho ne irẹn lẹ hin ehe ne Nọyaẹnmwa ye rre. Ohan keghi mu avbe oziguẹ, iran keghi tama rẹn wẹẹ, “Emwi ne ọ mu ohan ọre u ru na.”

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Iyẹn ne ọ Maan Ọghe Luk 9:62

Jesu tama rẹn wẹẹ, “Ọmwa ne ọ gha suẹn egua ne a ya ẹmila gua nẹ, ọ na ye vbe gha ghe iyeke, ẹ i mwẹ vbe ọ gie a ya ru vbe Arriọba Osanobua.”

Iwinna 15:38

Sokpan Pọl ma ro wẹ emwi ne ọ gbae nọ ne a rhie ẹre rhunmwuda ọ ma gu iran dia sẹ ufomwẹ okhian ikporhu iran sokpan ọ werriegbe, ọ keghi sẹ iran rae vbe Pamfilia.

Iwinna 26:19

“Erriọ nọ o, Ọba Agripa, I ma fieghe uhunmwu ye ẹmwẹ umian ne ọ ke ẹrinmwi rre ne I miẹn na.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”

Iwinna 9:42

Emwi na keghi wa gbigbi la Jopa hia, emwa ni bun keghi ya Nọyaẹnmwa yi.

Iwinna 9:43

Pita keghi gbe ikpẹdẹ ni bun vbe Jopa vbe owa ọsohian ọkpa ne a tie ẹre Saimọn.

I Kọrinti 9:16

Ẹ i re ukpo mwẹ ne I gha rhuọ, rhunmwuda ighẹ I ghi he kpe orhu iyẹn ne ọ maa, ugbẹn vbe a miẹn wẹ, te a ya gie mwẹ uhunmwu ne I gha ru ẹe. Ọ gha ba so mwẹ gbe a deghẹ I ma kpe orhu iyẹn ne ọ maa.

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.

Jọsua 19:46

Mejakọn kevbe Rakọn deba otọ ne ọ mu aro da Jopa.