Jona 1:10 - Edo Bible (E Baibol Ẹdo) Version 1996

¹⁰ E Jona keghi tama iran wẹ te irẹn ho ne irẹn lẹ hin ehe ne Nọyaẹnmwa ye rre. Ohan keghi mu avbe oziguẹ, iran keghi tama rẹn wẹẹ, “Emwi ne ọ mu ohan ọre u ru na.”

Jona 1:10 ပူးပေါင်းရင်းမြစ်များ

Gẹnẹsis 3:13

E Nọyaẹnmwa Osanobua keghi nọ okhuo nii wẹẹ, “Vbọzẹ ne u na ru emwi na yi?” Rẹn ke wanniẹn wẹẹ, “Ẹyẹn ọre ọ rẹrẹ mwẹ rriọe.”

II Samuẹl 24:3

Sokpan, e Joab keghi wanniẹn wẹẹ, “Umogun, te Nọyaẹnmwa ne Osanobua ruẹ gha gie ivbi Izrẹl muan yọ ukhukhu arriaisẹn sẹ vbene iran ye na, te u gha vbe tọ ne aro ruẹ sẹ ọe vbe ọ gha ru ẹe. Sokpan vbọzẹ ne u na ho ne u ru emwi na yi Umogun?”

Job 27:22

ọ gha hoho yan iran vbe ne ẹ i na mwẹ itohan. Vbe iran gha te gha ziga ne iran lẹkua.

Jona 1:11

Ẹhoho keghi dọlegbe gha tua yọ, rhunmwuda ọnii, avbe oziguẹ nọ rẹn wẹẹ, “Vbe ima gha ruẹ hẹ yi ne ẹhoho miẹn ehe na dobọyi?”

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Iyẹn ne ọ Maan Ọghe Jọn 19:8

Pailet ghi họn vbe iran ta ẹmwẹ na, ohan keghi dọlegbe mu ẹn sẹ ayọ.

Jọsua 7:25

Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.