Joẹl 3:18 - Edo Bible (E Baibol Ẹdo) Version 1996

¹⁸ Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Joẹl 3:18 ပူးပေါင်းရင်းမြစ်များ

Job 29:6

Ewẹn ẹmila kevbe ọghe ẹwe mwẹ, keghi gha la ẹsẹse, erhan oliv mwẹ kegha wan vbe otọ ne okuta ghi na bun sẹ.

Psalm 46:4

Ẹzẹ ọkpa rrọ ne ọ rhie oghọghọ rri ẹvbo Osanobua, gha die owa ne ọ huanrẹn ọghe Ne ọ yo Sẹẹ Ehia.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Aizaia 30:25

Vbe ẹdẹ nii ne obọ gha vba owa ọkhẹ igbinna avbe eghian uwa ya mu, a na vbe gbele emwa iran, ẹzẹ gha lẹ ke dọmwadẹ oke nekhua kevbe avbe oke negiẹrẹ ladian.

Aizaia 35:6

Arọ gha san ghe odukhunmwu, ọ ghi gha kuu. Iran ni i sẹtin guan gha davan ne oghọghọ. Amẹ ẹzẹ ne ọ lẹ, gha lẹ la adesẹ ato.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 45:8

I gha gie akhọnmiotọ ke iso gha dee zẹ vbe amẹ ne ọ rhọ. Otọ ghi vbe rhan yotọ ne ọ miẹn ẹnrẹn, ọ ghi vbe họn ebe ladian zẹ vbene ọ yan egbe ẹre kevbe odẹ ẹmwata. Mẹ ne Nọyaẹnmwa gha gie ọna sunu.”

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Aizaia 66:11

Ọrọkhọrhọ ẹre gha maa sẹ uwa egbe zẹ vbe ọmọ ne ọ wẹn ewẹn iyẹe.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Zẹkaraia 14:8

Ọ gha sẹ ẹdẹ ne ẹdẹrriọ, amẹ ne ọ hianrẹn gha lẹ ke Jerusalẹm rre, obọ ọkpa vbọ gha lẹ ghe Okun nọwu, obọ ọkpa ghe Meditẹrrenian. te ọ ra wa lẹ ne ukpo gbe, vbe ẹghẹ orhọ kevbe uyunmwu.

Nọmbas 25:1

Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.