Joẹl 2:32 - Edo Bible (E Baibol Ẹdo) Version 1996

³² Sokpan, iran hia ni kpe tie Nọyaẹnmwa, a gha miẹn iran fan. Zẹ vbene Nọyaẹnmwa khare, ‘Eso vbe iran ni rre Jerusalẹm, gha lẹ fe, iran ne imẹ hannọ zẹ gha miẹn uhunmwu.’ ”

Joẹl 2:32 ပူးပေါင်းရင်းမြစ်များ

Gẹnẹsis 4:26

Sẹt keghi biẹ ọmọ okpia ọkpa ne ọ he ẹre Ẹnọs. Ẹghẹ nii ọre emwa ke gha so eni Nọyaẹnmwa, iran ghi vbe gha gae.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Aizaia 10:22

A gha rhe miẹn wẹ banbanna, te ivbi Izrẹl ye vbe ekhae ni rre ọkpẹn okun vbe ubunmwẹ, ibozẹghe ọ re ọ ra werriegbe rre. Ọfuan wa diakhẹ emwa na, vbene ọ wa ma iran zẹẹ.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 11:16

Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Jerimaia 31:7

E Nọyaẹnmwa khare wẹẹ, “Wa ya oghọghọ so ihuan ne Izrẹl ne ọ kpọlọ sẹẹ vbe uwu avbe ẹvbo hia, wa so ihuan Urhomwẹ ọwua, ‘E Nọyaẹnmwa miẹn emwa rẹn fan nẹ, ọ fannọ iran ni ghi dekẹe werriegbe.’

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Emọs 9:8

Mẹ ne Nọyaẹnmwa ne Oghodua wa baba Izrẹl ne ẹvbo emwa orukhọ na. I gha wa fuẹn ọnrẹn uan hin otọ agbọn rre, sokpan I i ra fuẹn ehia a ighe ivbi uniẹn Jekọb.

Obedaia 1:17

“Sokpan, eso gha lẹ fe vbe Oke Zaiọn ọ ghi gha re ehe nọhuanrẹn. Ivbi uniẹn e Jekọb gha dọlegbe yan otọe ne ọ re ọghe obọ iran.

Obedaia 1:21

Emwa ni khọnmiotọ vbe Jerusalẹm gha khọn mu Idọm, iran ghi vbe gha kha yan rẹn. E Nọyaẹnmwa tobọ ẹre ọre ọ khian gha re ọba.”

Maika 5:3

Erriọ, e Nọyaẹnmwa gha zẹ emwa rẹn obọ ne avbe eghian iran, a te do miẹn wẹ ọmwa ne ọ ra biẹ ọe biẹ ọmọ okpia. Ẹghẹ nii, a ghi do ku ivbi ẹvbo ẹre ni rre iwe koko ba emwa iran.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Iyẹn ne ọ Maan Ọghe Jọn 4:22

Wa ne ivbi e Sameria ma mobọ rẹn ọmwa ne uwa ga. Ma ne Ju rẹn ọmwa ne ima ga rhunmwuda obọ avbe Ju ọre imiẹnfan ke rre.

Iwinna 15:17

Erriọ emwa ọvbehe hia gha gualọ Nọyaẹnmwa, emwa ne ẹ i re Ju hia ne I tie ya khian ọghomwẹ.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

Ebe ne Pọl gbẹẹn gie emwa Rom 11:5

Erriọ ọre ọ wa vbe ye vbe ẹghẹ na zẹẹ, ọmwa ibozẹghẹ ye rrọọ vbe uwu iran ne Osanobua ye itohan rẹn hannọ zẹ.

Ebe ne Pọl gbẹẹn gie emwa Rom 11:7

Vbe a ghi tae hẹ na yi? Obọ ivbi Izrẹl ma vba emwi ne iran te gualọ. Omwa ibozẹghe ne Osanobua hannọ zẹ ọre ọ miẹn ọẹn. Iran nekpa keghi yin ehọ vbe Osanobua tie iran.

Ebe ne Pọl gbẹẹn gie emwa Rom 9:24

Rhunmwuda ma na ọrọre emwa ne irẹn tie ẹre ẹ i re vbe uwu avbe Ju ọkpa sokpan kevbe uwu iran ne ẹ i re Ju bare.

Ebe ne Pọl gbẹẹn gie emwa Rom 9:27

Aizaia keghi vbe kha vbekpa Izrẹl wẹẹ, “Ọ gha khọn rẹn ne ivbi Izrẹl gha ye vbe ikpekhae ni rre ọkpẹn okun, ibozẹghẹ ọre a ra miẹnfan vbe uwu iran.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.