Joẹl 2:30 - Edo Bible (E Baibol Ẹdo) Version 1996

³⁰ “I gha rhie ama emwi ne ọ ra sunu ẹdẹrriọ ma emwa, vbe iso kevbe otọ, esagiẹn gha rrọ kevbe erhẹn kevbe ighogho ne ọ bi vbe amẹ.

Joẹl 2:30 ပူးပေါင်းရင်းမြစ်များ

Gẹnẹsis 19:28

Ọ ke tọn aro mu ya ghe Sọdom kevbe Gomorra kevbe iya nii hia, ọ keghi miẹn vbe ighogho gbe ke otọe nii rre zẹ vbe ighogho nọ gbe ke ogidi erhẹn rre.

Ihuan Ne Ọ Sọọ Ihuan Hia 3:6

Vbe ọna khin ne ọ ke ato dee na yi? Zẹ vbe iki ighogho? Ne ọ winhin eturari kevbe oziya eturari ne avbe ekpatẹ khiẹn?

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Zẹkaraia 14:6

Ọ gha sẹ ẹghẹ nii, oni i ra gha rrọ.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Iyẹn ne ọ Maan Ọghe Luk 21:11

Igbohiotọ ọyan aro ua, ghi gha sunu, ukhunmwu kevbe okpemianmwẹ ghi gha rre ehe hia, ama nekhua kevbe ni gbe orrirri ghi gha rhie egbe maa vbe aro iso.

Jọsua 8:20

Ivbi Eai ghi gbearoghe iyeke, iran keghi miẹn vbe ighogho ẹre wa sẹ iso. Iran ma ghi miẹn ehe lẹ lao rhunmwuda, ivbi Izrẹl ni lẹghe uwu oha keghi werriegbe rre viọ aro da iran.

Arhie Maan 18:18

Iran hia kegha goo vbe iran bẹghe ighogho ẹre vbe ọ giẹn, “Ẹvbo ne a gha ya gie ẹvbo nọkhua nii ẹ i ghi rrọọ.”

Arhie Maan 18:9

Avbe ọba agbọn, ne ọ gu ẹe ruemwi awua kevbe orriarria, gha tu, iran gha vbe viẹ ne ẹvbo nii, vbe iran a miẹn ighogho ne ọ gbe vbe ọ gha giẹn.

Arhie Maan 8:7

Odibosa ne okaro keghi kpe okpe ọghọe, erhẹn kevbe ẹyin ne a ya esagiẹn gua, keghi rhurhẹ yan otọ agbọn. Obọ ọkpa vbe a gha wa otọ agbọn ye ihe eha, keghi wa giẹn uan. Obọ ọkpa vbe a gha wa avbe erhan ye ihe eha, keghi vbe giẹn uan, ebe irunmwu hia ni rre oha na giẹn uan.

Giọgis 20:38

Ivbi iyokuo Izrẹl kevbe emwa ne a hẹ lẹre keghi gba mwamwa ama ne egbe iran. Iran gha bẹghe ighẹ ighogho nọkhua gbe vbe adesẹ ore ẹvbo.

Giọgis 20:40

Ẹghẹ nii, ama nii ke rhie egbe ma. Ighogho nọkhua kegha gbe vbe adesẹ ore ẹvbo. Emwa Bẹnjamin keghi gbe aro ghe odieke, ọ keghi yan iran unu uan vbe iran miẹn wẹ ẹvbo nii hia wa mu erhẹn.