Joẹl 2:24 - Edo Bible (E Baibol Ẹdo) Version 1996

²⁴ Ọka gha vuọn ehe ne a na wiẹn ọka, uvun ni lẹga ehe ne a na min ayọn, ghi gha vuọn kpa kua, ne ayọn kevbe ofigbọn oliv.

Joẹl 2:24 ပူးပေါင်းရင်းမြစ်များ

Ezikiẹl 36:8

Sokpan, avbe erhan gha ye dọlegbe zọ, iran ghi vbe zẹ ebe vbe uhunmwu oke Izrẹl, iran gha mọ ne uwa, ivbi Izrẹl ne emwa mwẹ. Wa gha dọlegbe gha die owa vbe ọ ma he kpee wan.

Joẹl 3:13

Ekhọe iran i zẹdẹ maa, wa giagia iran gbe otọ, vbe ne a giagia ọka ne a fian ẹn, vbe ẹghẹ emwiorhọ. Wa piẹnpiẹn iran, vbene a piẹnpiẹn alimo ayọn vbe okọ, vbe ayọn rẹn te do ladian.”

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Levitikọs 25:19

Otọ nii gha mọ, wẹ gha vbe mwẹ sẹ vbene u gha re, ne u vbe gha rri ọe vbe ọfumwegbe.

Levitikọs 26:10

Emwiorhọ rua gha bun sẹrriọ wẹ, ọ gha gbe ukpo ohoho, a ghi vbe miẹn wẹ te uwa ghi kpolo ni dekẹe vbe ne uwa ka rhọ kua, ne uwa miẹn ehe na rhie otọ ne ne uwa da rhọ.

Emọs 9:13

E Nọyaẹnmwa khare wẹẹ, “Ẹdẹ dee ne ọka gha maa ẹgiẹgiẹ gberra vbene a ya rhọ ẹre alimo ayọn ghi vbe wan ẹgiẹgiẹ gberra vbene a sẹtin ya ru ayọn. A vbe oke nekhua gha gin ayọn ne ọ rhiẹnrhiẹn rre. Ọ ghi gha lẹẹ ọre ku otọ.

Malakai 3:10

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.