Joẹl 2:22 - Edo Bible (E Baibol Ẹdo) Version 1996

²² Wa ne emwi irri, wa ghẹ mu ohan, ehe ne uwa na rri ebe ye nunuunu, avbe erhan mọẹn ọmọ iran, erhan ohọ kevbe alimo ayọn kpọ kua.

Joẹl 2:22 ပူးပေါင်းရင်းမြစ်များ

Gẹnẹsis 4:12

U gha mu ugbo, u na kọ emwi yọ, otọe, ẹi gha ma ẹnrẹn. Ehevbehevbe ke enọkpolugho ọre u gha khian vbe agbọn.”

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Psalm 65:12

Emwirri vuọn oha ne aranmwẹ na rria ọghuẹ oghọghọ vuọn ọkpẹn avbe oke nii hia.

Psalm 65:13

Uwu ogba vuọn ne avbe ohuan avbe uye keghi vuọn ne ọka emwi hia gha datu iran vbe so ihuan oghọghọ.

Psalm 67:6

Otọe mọ umọmwẹ ọnrẹn ladian nẹ Osanobua, Osanobua mwa fiangbe ima nẹ.

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Ezikiẹl 36:30

I gha gie avbe erhan uwa mọ ọmọ nibun sayọ kevbe ugbo uwa, ne a ghẹ ghi miẹn ukhunmwu ne ọ gha fa uwa a vbe odaro avbe uhunmwu ẹvbo.

Ezikiẹl 36:35

Emwa hia ghi vbe tae vbene a miẹn wẹ otọe ne ọ te wa khian ẹgbo, do khian vbene ogba Idẹni ye nian, kevbe avbe ẹvbo nii ne a guọghọ ua, a fu emwi ni rrọọ viọ, a na sẹẹ ọe rae ye itowa, do khian ne a ghi yin nian, a na vbe gbe odin lẹga ẹre.

Ezikiẹl 36:8

Sokpan, avbe erhan gha ye dọlegbe zọ, iran ghi vbe zẹ ebe vbe uhunmwu oke Izrẹl, iran gha mọ ne uwa, ivbi Izrẹl ne emwa mwẹ. Wa gha dọlegbe gha die owa vbe ọ ma he kpee wan.

Jona 4:11

Wẹ ma miẹn wẹ ẹ i mwẹ mẹ ma tohan e Ninevi ne ẹvbo nọkhua nii. A rhe ta ẹe na, ọ sẹ emọ arriaisẹn iyehan (120,000) ne ọ ma rẹn ọkpa ọmaa rẹn eva ni rre uwu ẹre do deba emwirri ọrhẹnrhẹn.”

Hagai 2:16

wa ghi kpao gha rrie ehe ne a si ọka gbo yi, ne uwa na rhie aro ye agban ugie, sokpan, igbe kẹkan ọ re uwa miẹn vbọ. Wa ghi wẹ wa ra sa egalọn ayọn ekigbesiyeha vbe ẹgbẹdin nọkhua, sokpan wa ghi miẹn ugie kẹkan vbọ.

Zẹkaraia 8:12

Iran gha kọ emwiokọ iran vbe ọfumwegbe. Azara iran gha mọ alimo ayọn, otọe gha ma emwiokọ, amẹ gha vbe rhọ ẹsẹse. I gha rhie afiangbe na hia ne emwa ẹvbo mwẹ ni miẹn uhunmwu vbọ.

I Kọrinti 3:7

Ke ne ọ kọe, kevbe ne ọ ghe amẹ khakhae ẹ i mobọ mwẹ esa, Osanobua ọrọre ne a kha, rhunmwuda rẹn ọre ọ ru ẹe ne emwiokọ na zọọ.