Joẹl 2:20 - Edo Bible (E Baibol Ẹdo) Version 1996

²⁰ I gha khulo avbe oghẹn irhiso kua, iran ni te ke odẹ okuọ rre, I gha khulo eso vbọ la uwu ato. I gha khulo iran ni ke odaro, la uwu Okun Nọwu, iran ni ke iyeke, gha la uwu e Meditẹrrenian. Ikun iran ghi gha wia. I gha fuẹn iran an, rhunmwuda emwi hia ne iran ru uwa ẹre.

Joẹl 2:20 ပူးပေါင်းရင်းမြစ်များ

II Ọba 8:13

E Hazaẹl keghi wanniẹn wẹẹ, “Vbe I a a ghi ra na miẹn onii ghe ẹtin, mẹ ne ẹ i mwẹ esa ne I ye!” Elaisia keghi wanniẹn wẹẹ, “E Nọyaẹnmwa rhie ma mwẹ nẹ ighẹ u gha rriọba e Siria.”

Psalm 126:3

Vbe ẹmwata, ọ ru emwi ne ọ kpọlọ ne ima, u miẹn vbe ọyẹnmwẹ sẹ mwa yọ hẹ!

Ẹksọdọs 10:19

E Nọyaẹnmwa keghi fi ẹhoho nii werriẹ khian ọ ghe odẹ orrie ne ọ viọ avbe irhiso nii, ọ ke kpolo ehia ku okun Irunmwu. Irhiso ọkpa ma vbe ke ẹe vbe otọ Igipt.

Ẹksọdọs 8:14

Ivbi Igipt keghi silo ehia gboo ogege, ẹwia ẹre keghi gba ẹvbo nii hia.

Aizaia 34:3

Aira tọnnọ ikun iran yotọ, sokpan te ehia ra gha rre evba, iran ghi gha kẹkẹ ua, iran ghi gha wia, avbe uhunmwu oke ghi gha baa ne esagiẹn.

Ezikiẹl 47:18

“Ehe ne ọ lae vbe odẹ ahọ keghi ke ihọkpa vbe ẹkpo otọe Damaskọs kevbe Hauran, vbene Ẹzẹ Jọdan na gha re uwu ne ọ rre ẹkpo Izrẹl vbe odẹ orrie kevbe Giliad vbe odẹ ahọ rhinrin ya se e Tama vbe uwu Okun Nọwu.

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.

Zẹkaraia 14:8

Ọ gha sẹ ẹdẹ ne ẹdẹrriọ, amẹ ne ọ hianrẹn gha lẹ ke Jerusalẹm rre, obọ ọkpa vbọ gha lẹ ghe Okun nọwu, obọ ọkpa ghe Meditẹrrenian. te ọ ra wa lẹ ne ukpo gbe, vbe ẹghẹ orhọ kevbe uyunmwu.

Malakai 3:11

Mẹ i ra kue ne ọkhọe rri uwa emwiokọ, alimo ayọn gha vbe vuọn uhunmwu erhan azara ọghe uwa.

Diuteronomi 11:24

Otọe ne uwa a rhirhi ya owẹ khian la ghi khian ọghe uwa. Otọe uwa ghi ke ato ne ọ rre odẹ ekẹn ya sẹ Oke Lebanọn vbe odẹ okuọ kevbe ke Ẹzẹ Yufretes vbe odẹ ahọ ya sẹ Okun Meditẹrrenian vbe odẹ orrie.