Joẹl 2:19 - Edo Bible (E Baibol Ẹdo) Version 1996

¹⁹ Ọ zẹẹ ẹmwẹ wanniẹn iran wẹẹ: “Wanwanna nian, I ra do viọ avbe ọka kevbe ayọn, kevbe ofigbọn ne uwa. Ẹko gha vbe vuọn uwa ẹvbo ọvbehe i ra gha ye zan uwa ọvbehe.

Joẹl 2:19 ပူးပေါင်းရင်းမြစ်များ

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Ezikiẹl 34:29

I gha mu otọ ne ọ maa emwiokọ ne iran, I ghi vbe dobọ ohanmwẹ yi vbe otọe nii. Avbe uhunmwu ẹvbo nekpa i ghi ra dọlegbe kpe amisikan ku iran ọvbehe.

Ezikiẹl 36:15

Otọe avbe uhunmwu ẹvbo nii i ghi ra dọlegbe ye iran gbogiẹ.”

Ezikiẹl 36:29

I gha miẹn uwa fan hin obọ emwi hia ne ọ mu awua ye uwa egbe rre. I gha tama avbe ọka ne ọ gha bun yọ ne ukhunmwu ghẹ ghi fi vbe ehe ne uwa ye ọvbehe.

Ezikiẹl 36:30

I gha gie avbe erhan uwa mọ ọmọ nibun sayọ kevbe ugbo uwa, ne a ghẹ ghi miẹn ukhunmwu ne ọ gha fa uwa a vbe odaro avbe uhunmwu ẹvbo.

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Hozia 2:21

Ẹghẹ ni, mẹ gha họn erhunmwu ivbi Izrẹl ne emwa mwẹ. I gha gie amẹ rhọ ye otọ, otọe ghi vbe ma ọka, alimo kevbe oliv.

Joẹl 1:10

Ugbo hia dihoi rua; otọe gha khiẹ, rhunmwuda, a dunmwu avbe ọka a, avbe alimo ayọn kaka a avbe erhan oliv vbe luẹluẹ.

Joẹl 2:24

Ọka gha vuọn ehe ne a na wiẹn ọka, uvun ni lẹga ehe ne a na min ayọn, ghi gha vuọn kpa kua, ne ayọn kevbe ofigbọn oliv.

Levitikọs 26:5

Emwiokọ rua gha bun sẹrriọ wẹ, ọka wa gha ye gha fian vbe ọ sẹ ẹghẹ ne a ya kpẹn iyan, wa ghi ye gha kpẹn iyan vbe ọ sẹ ẹghẹ ne a ya fian igbin. Wa gha mwẹ evbare ne uwa ho ne uwa re hia, wa ghi vbe gha rri ọe vbe ne ẹ i na mwẹ ẹbe vbe otọe rua.

Zẹkaraia 8:12

Iran gha kọ emwiokọ iran vbe ọfumwegbe. Azara iran gha mọ alimo ayọn, otọe gha ma emwiokọ, amẹ gha vbe rhọ ẹsẹse. I gha rhie afiangbe na hia ne emwa ẹvbo mwẹ ni miẹn uhunmwu vbọ.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Diuteronomi 11:14

Wa gha ru vberriọ, ọ gha gie amẹ rhọ ye otọ uwa vbe ẹghẹ ne ọ khẹ ke, vbe ẹghẹ ahọ orhọ kevbe ahọ uyunmwu, ne uwa miẹn ehe na gha mwẹ ọka, ayọn kevbe ofigbọn ọliv.

Ebe Rut 1:6

E Naomi keghi họn wẹ e Nọyaẹnmwa ye emwa rẹn obọ, vbene ọ na gie emwiokọ maa ne iran ẹsẹse. Rẹn keghi do mu egbe ne ọ kpao vbe Moab rre ke irẹn kevbe avbe amwẹ ivbi ẹre.