Joẹl 2:18 - Edo Bible (E Baibol Ẹdo) Version 1996

¹⁸ E Nọyaẹnmwa mu ẹmwẹ otọe ẹre ro, ọ tohan emwa irẹn.

Joẹl 2:18 ပူးပေါင်းရင်းမြစ်များ

II Ọba 19:31

A gha miẹn emwa ni gha miẹn uhunmwu vbe Jerusalẹm kevbe oke Zaiọn rhunmwuda e Nọyaẹnmwa ta ẹe nẹ ighẹ rẹn gha ru ẹe.

Psalm 103:13

Zẹ vbene erha tohan ivbi ẹre, erriọ e Nọyaẹnmwa tohan iran ni ya ọghọ ne ẹẹn.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Aizaia 37:32

Emwa gha rre Jerusalẹm kevbe Oke Zaiọn ni gha miẹn uhunmwu, rhunmwuda e Nọyaẹnmwa ne Oghodua tae mu olọ yan rẹn nẹ ighẹ erriọ ọ re ọ gha sunu.

Aizaia 42:13

E Nọyaẹnmwa ladian ne ọ ya gbinna zẹ vbe ovbiyokuo ọ mu egbe nẹ, te ọ ghi khẹ nene okuo, ọ tu utumwẹ okuo, ugomwẹ igbinna ọ rhie ẹtin ẹnrẹn ma vbe egbe avbe eghian rẹn.

Aizaia 60:10

E Nọyaẹnmwa tama Jerusalẹm wẹẹ, “Avbe orhunmwuyẹn ọ re ọ ra gbe ekẹn ruẹn. Avbe ọba iran ghi gha gaa ohu ọ re ọ mu mwẹ ne I na rri uwa oya sokpan banbanna nian, I gha rhie aro ne ọ maa ọghomwẹ kevbe itohan mwẹ ma uwa.

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Zẹkaraia 1:14

Odibosa keghi tama mwẹ wẹ ne I ya mu ẹmwẹ ne Nọyaẹnmwa ne Oghodua ta ẹe ni go wẹẹ, “I mwẹ aho kevbe ẹnina nọkhua ghe Jerusalẹm ne ẹvbo mwẹ nọhuanrẹn.

Zẹkaraia 8:2

“Ọ kpẹre ne ekhọe mwẹ kegha rrọọ wẹ ne I ye Jerusalẹm obọ rhunmwuda ahoẹmwọmwa ne I mwẹ ghe emwa ni rrọọ, a ho ẹmwẹ ọmwa ne ọ ye ohu avbe eghian rẹn gha mu mwẹ.

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Diuteronomi 32:16

Iran ya ẹbọ ne iran gho ya e Nọyaẹnmwa gha ruẹe, emwi dan ne iran ru keghi ya ẹe mu ohu.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.