Joẹl 2:15 - Edo Bible (E Baibol Ẹdo) Version 1996

¹⁵ Wa kpe okpe nii vbe Oke Zaiọn tama emwa wẹ ne ehia gha rrie aguẹ, ne u tie emwa si koko.

Joẹl 2:15 ပူးပေါင်းရင်းမြစ်များ

I Ọba 21:12

Iran keghi bu ẹdẹ aguẹ, iran na tie emwa nii hia si koko iran na rhie ihe itota ukpo uyi ne Nabot.

I Ọba 21:9

Ẹmwẹ ne ọ rrọ ọ re ọna khin, “Wa bu ẹdẹ aguẹ, wa tie emwa nii hia si koko, ne uwa rhie ehe itota uyi ne Nabot.

II Ọba 10:20

Ẹre Jehu na kha wẹẹ, “Wa bu ẹdẹ ugamwẹ ne a ya ya ọghọ ne Bal!” Iran keghi bu ẹdẹ ọre.

Aizaia 1:13

Ẹ i mwẹ esa ne uwa gha viọ emwi imuohan rre. Eturari ne uwa ya zọ ese wia so mwẹ. I i ghi ho ne I họn ẹmwẹ Emwiukpo Uki Ọgbọn ọghe uwa Ẹdẹ Ikẹtin uwa kevbe ugamwẹ ne uwa si koko ga, orukhọ uwa rhiaa ehia a ne.

Jerimaia 36:9

Vbe uki ne ogihinrin, ọghe ukpo nogisẹn ne Jehoiakim na gha re ọba e Juda, avbe emwa nii keghi yo aguẹ ya gualọ aro ne ọ maa vbe obọ e Nọyaẹnmwa. Emwa hia ni rre Jerusalẹm deba avbe emwa ni kee avbe okpẹvbo ni rre e Juda rre ọ re ọ yo aguẹ na.

Joẹl 1:14

Wa ta ẹe wẹ ne emwa gha rrie aguẹ wa tie emwa si koko! Wa si avbe ọkaolotu, kevbe ivbi e Juda hia, koko ye uwu Ọgua Osa, ọghe Nọyaẹnmwa ne Osanobua uwa, ne uwa kpe tie ẹre.

Joẹl 2:1

Wa kpe okpe, wa si orhu okuo vbe Zaiọn ne oke nọhuanrẹn Osanobua. Wa gha guọ ivbi e Juda! Ẹdẹ e Nọyaẹnmwa dee ẹgiẹgiẹ.

Nọmbas 10:3

A gha kpe okpe eva nii ne ọ tan vbe otọ, emwa nii hia ghi bu ruẹ gha die onurho Owa Ukpọn Ile.