Joẹl 2:13 - Edo Bible (E Baibol Ẹdo) Version 1996

¹³ “Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Joẹl 2:13 ပူးပေါင်းရင်းမြစ်များ

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 37:34

E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

II Samuẹl 1:11

E Devid keghi ye akhiẹ sọ ukpọn rẹn uan, emwa rẹn hia keghi vbe sọ ọghe iran an.

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

II Ọba 22:11

Ọba ghi họn ebe ne a tie re na, egbe keghi wọ ẹre, ọ na sọ ukpọn rẹn uan.

II Ọba 22:19

U na roiro fi uyinmwẹ werriẹ, u na mu egbe rriotọ vbe odaro mwẹ, u keghi sọ ukpọn ruẹn uan, u na gha viọ vbe u họn vbene I wẹ I gha rri e Jerusalẹm kevbe emwa ni rrọ oya hẹ. I gha ru ọ yan aro ua ye evba, ehe ne eni ẹnrẹn gha na khian ne a ya tie ihẹn. Sokpan, I họn erhunmwu ruẹn nẹ.

II Ọba 5:7

Ọba Izrẹl ghi tie ebe nii, ọ keghi sọọ ukpọn rẹn uan rhunmwuda ọ ye egbe wọ ọre, ọ kevbe fian ẹre afianma. Ọ keghi kha wẹẹ, “Vbe ọba e Siria na wẹ ne I sinmwi ọmwa na hẹ yi? Te irẹn ro ighẹ Osanobua ne ọ mwẹ ẹtin vbe uhunmwu arrọọ kevbe uwu mẹ khin ra? U ma miẹn ighẹ ẹmwẹ ọ re ọ ho mwẹ re na.”

II Ọba 6:30

Ọba ghi họn ẹmwẹ na, ọ keghi sọ ukpọn rẹn uan rhunmwuda vbene ọ gbe ẹre egbe sẹ, emwa ni sikẹ ọkpẹn ekẹn keghi bẹghe ẹre wẹ ukpọn akhiẹ ẹre ọ yọ kotọ.

II Krọnikol 6:27

E Nọyaẹnmwa, danmwehọ iran vbe ẹrinmwi, ne u ya orukhọ ivbi Izrẹl ne eguọmwadia ruẹ bọ iran ne u vbe ma iran vbene a ru emwi ne ọ gbae hẹ. Iyeke ọnii, Nọyaẹnmwa, gie amẹ rhọ ye otọe na ne ọ re ọwuẹ, ne uwẹ vbe mu ne emwa ruẹn ne ọ gha re ọghe iran etẹbitẹ.

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Psalm 103:8

E Nọyaẹnmwa mwẹ itohan ọ mwẹ aho ẹmwẹ ọmwa, ẹ i rherhe mu ohu, ọ vuọn ne aho ẹmwẹ ọmwa ne ẹ i beghe.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 34:18

E Nọyaẹnmwa sikẹ iran, ne agbọn zẹ ọre ẹtin. Ọ vbe miẹn iran hia ne ẹtin emwi hia fo nẹ fan.

Psalm 51:17

Izọese mwẹ, ọrọre ekhọe ne ọ mu egbe rriotọ Osanobua, wẹ i ra he ekhọe ne ọ mu egbe rriotọ, kevbe ne ọ roiro fi uyimwẹ werriẹ.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 58:5

Wa gha rre aguẹ, wa ghi gha rri egbe uwa oya, wa ghi hierre vbe ebe irunmwu, wa ghi wa ukpọn akhiẹ kevbe emuẹn yotọ ne uwa gha lovbiẹ yi. Ọnii ọ re uwa tie ẹre aguẹ ra? Wa yayi wẹ ọnii gha yẹ imẹ ra?

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Jerimaia 36:7

Ughaghe, iran gha na erhunmwu ghe Nọyaẹnmwa, ne iran vbe fiwerriẹ hin odẹ dan iran rre, rhunmwuda, e Nọyaẹnmwa niẹn obọ ye emwa rẹn aro nẹ vbe uwu ohu kevbe okuosu ẹre ne ọ mu ohan.”

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Jerimaia 42:10

‘A deghẹ wa ho ne uwa ye gha rre otọe na, ẹghẹ nii, I gha dọlọ uwa yi. I i ghi ra vbe rhia uwa a. I gha mu uwa mudia, I i ra silo uwa vbọlọ. Ọkhọ ne I gie ẹe rruan uwa, wa ya ẹko mwẹ rhiaa ẹsẹse.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Jona 3:9

Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Nahum 1:3

Ohu i rherhe mu e Nọyaẹnmwa sokpan rẹn mwẹ ẹtin, ẹ i gie ọmwa ne ọ rria abe gha rrie vbe ne ọ ma na rri oya. Okpẹhoho guakpao, vbe ehe ne Nọyaẹnmwa khian la; okuku amẹ, ebubẹ ne owẹ ọre gbe nọ!

Nọmbas 14:18

‘Mẹ ne Nọyaẹnmwa ohu i rherhe mu mwẹ, mẹ rhie ahoẹmwọmwa kevbe ayegbe yan ọmwa maa, I ghi vbe gha ya orukhọ kevbe isọtẹ bọ ọmwa sokpan ẹ i mwẹ I ma rria ikhi erha kevbe avbe ivbi ẹre, kevbe emiwu kevbe eyẹ kevbe orre ne ogieha kevbe ne ogienẹ, rhunmwuda orukhọ evbibiẹ iran.’

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

Ẹfisọs 2:4

Sokpan ọkpọkua ọre itohan Osanobua khin, aho ẹmwẹ ọmwa rẹn ghe mwa keghi vbe re nọkhua.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.