Job 9:4 - Edo Bible (E Baibol Ẹdo) Version 1996

⁴ Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Job 9:4 ပူးပေါင်းရင်းမြစ်များ

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

II Krọnikol 20:6

Ọ keghi ya urhu ne ọ la na erhunmwu wẹẹ, “E Nọyaẹnmwa ne Osanobua avbe erha mwa odede, wẹ ọ re ọ ke ẹrinmwi khaemwisẹ yan avbe okpẹvbo ni rre otọ agbọn hia. Wẹ mwẹ ẹtin, u kevbe kpolo, ọmwa ọkpa i rrọ ne ọ gha sẹtin muan ruẹn ẹmwẹ,

Job 11:6

Ọ gha tama ruẹn wẹ ẹwaẹn mwẹ ilawẹ emwi eso rrọ ne ọmwa i sẹtin rẹn otọ ẹre. Oya ne Osanobua rriọ re na, ma sẹ vbene ọ te khẹke uẹ.

Job 15:13

Ohu Osanobua muẹn ẹsẹse, te u gha niẹn ukpe ghe ẹre.

Job 23:6

Osanobua gha te wa ya ẹtin ẹnrẹn hia gunmwẹ gbinna ra? Ẹn o, ọ gha danmwehọ vbe i a gha guan.

Job 24:22

Osanobua ya ẹtin ẹnrẹn fuẹn iran ni wegbe ua. Osanobua ru emwi, ọmworukhọ wu fua.

Job 28:23

“Osanobua ọkpa ọ re ọ rẹn nene odẹ. Ọ rẹn ehe ne a gha na miẹn ẹwaẹn.

Job 36:5

“U miẹn vbe Osanobua wegbe hẹ! Ẹ i ye aro gbe ọmwa rhọkpa re. Emwi ọkpa ne ọ ma rẹn otọ ẹre, ẹ i rrọ.

Job 37:23

Ẹtin Osanobua kpọlọ sẹ vberriọ wẹ, ma i sẹtin sikẹ ọre, odẹ ẹmwata kevbe uhunmwu ẹmwẹ, ọre ọ ya gu emwa lo.

Job 38:36

De ọmwa ne ọ tama ovbi ahianmwẹ ẹghẹ ne e Naẹl gha ya ro, ra de ọmwa ne ọ tama ọkhọkhọ ọkporhu wẹ amẹ ra rhọ?

Job 38:37

De ọmwa ne ẹwaẹn gba na sẹrriọ yi ne ọ ka amẹ ikpakpa iso ne ọ vbe biẹe gọ ne amẹ rhọ,

Job 40:9

Wẹ wegbe vba mwẹ ra? Urhu ruẹ gha sẹtin vanhiẹn vba ọghomwẹ ra?

Job 41:2

U gha sẹtin fi irri la ẹre uvun ihue ra, ra ne u fi ẹghọ la ẹre agbanmwẹ?

Job 6:10

Akpawẹ I rẹnrẹn ighẹ ọ gha ru vberriọ I gha ye oghọghọ san ghe odukhunmwu. Vbene obalọ mwẹ a rhirhi yan kpọlọ sẹ hẹ, mẹ rẹnrẹn wẹ Osanobua huanrẹn, I ma he gbe odan ye ẹmwẹ ọnrẹn ẹdẹ.

Job 9:19

Te imẹ ghẹ ghi ze vbe udu ra? Ne I ze vbe udu ma Osanobua? Te I gha mu ẹẹn ye iko ra? De ọmwa ne ọ ra si ẹe gha khian yi?

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Psalm 136:5

Ẹwaẹn rẹn ọ re ọ ya yi avbe ẹrinmwi, etẹbitẹ ọ re ahoẹmwọmwa rẹn khin.

Ẹksọdọs 15:7

Vbe uwe akhọnmiotọ ruẹ nọkhua u rrua iran ne eghian ruẹn gbe otọ izohu ruẹ baa ladian, ọ keghi giẹn iran an zẹ vbe irunmwu ni ka ẹe.

Ẹksọdọs 9:7

Ọba keghi nọ emwi ne ọ sunu, iran keghi tama rẹn wẹẹ emwirri ọkpa kẹkan ma wu vbe ọghe ivbi Izrẹl. Sokpan, rẹn keghi yin ehọ, ọ ma gie emwa nii gha khian.

Itan 28:14

Gha họn ẹmwẹ ne Nọyaẹnmwa ẹghẹ hia, wẹ gha mwẹ ẹko rhiẹnrhiẹn mwẹ. Adeghẹ u zevbudu te u ra fuan.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 45:9

Akhe obuẹ vbe gu ọmwa ne ọ ma ẹẹn gban ukpe ra akhe ne ọ yevbe nekpa hia? Obuẹ vbe nọ ọmakhe ra wẹ de emwi ne ọ ru yi? Akhe vbe sẹtin gui ra wẹ ọmwa ne ọ ma ẹẹn ma guẹ ona?

Jerimaia 50:24

E Babilọn, te uwẹ gunmwẹ gha gbinna, banbanna nian, ifi ne I khuẹẹn khẹ ruẹ mu ẹẹn nẹ, a gha rhe miẹn wẹ, wẹ ma rẹn.

Daniẹl 2:20

“Osanobua wan, ọ vbe mwẹ ẹtin! Wa rho ẹre ẹdẹ kevbe ẹdẹdẹmwẹdẹ.

Nahum 1:3

Ohu i rherhe mu e Nọyaẹnmwa sokpan rẹn mwẹ ẹtin, ẹ i gie ọmwa ne ọ rria abe gha rrie vbe ne ọ ma na rri oya. Okpẹhoho guakpao, vbe ehe ne Nọyaẹnmwa khian la; okuku amẹ, ebubẹ ne owẹ ọre gbe nọ!

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

Ẹfisọs 1:19

Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Ẹfisọs 1:8

ne irẹn wa vbe rhie ẹre ọrhẹnrhẹn ne ima. Vbe uwu ẹwaẹn ọghọe, kevbe ne ọ na ghe umian emwi.

Ẹfisọs 3:10

Ne a miẹn ehe na miẹn wẹ, ọ gha ghi sẹ ẹghẹ na, avbe ọdakha, odibosa, kevbe avbe ẹtin ni rre ẹrinmwi, ghi la ekpa esọsi do rẹn ẹwaẹn Osanobua vbe dọmwadẹ ihe ne ọ wa egbe yi.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.