Job 8:9 - Edo Bible (E Baibol Ẹdo) Version 1996

⁹ Ẹdẹ agbọn ima kanmwa, ma ma vbe rẹn emwi rhọkpa hiehiere, ma ghi fian agbọn na gberra zẹ vbe aghọnghọn.

Job 8:9 ပူးပေါင်းရင်းမြစ်များ

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

I Krọnikol 29:15

E Nọyaẹnmwa, wẹ rẹnrẹn wẹ te ima la agbọn na gberra vbe emwa ni rrie iwe kevbe ekhẹn vbene avbe enikaro vbe ru. Te ẹdẹ agbọn mwa yevbe aghọnghọn ni rhie gberra khian, ma i sẹtin lẹ uwu fe.

II Krọnikol 10:6

E Rehoboam ne ọba keghi mu ẹmwẹ na ma avbe eniwanrẹn, iran ni gha gu e Solomọn ne erha ẹe zẹ iro wẹẹ, “De ewanniẹn ne uwa wẹ ne I rhie ne iran na?”

Job 14:1

“A biẹlẹ ima hia ne ẹ i mwẹ ẹtin kevbe ne ẹ i sẹtin ye egbe ẹre obọ. Agbọn orhikhan ne a i na tọ ọ re ima hia ye.

Job 14:2

Ma ghi zẹgiẹgiẹ wan, a ghi vbe zẹgiẹ luẹluẹ kua zẹ vbe obobo a ghi ho ima bẹkun zẹ vbe obobo.

Job 32:7

I kegha ta ẹe ma egbe mwẹ wẹ, ọ kere ne uwa guan, wẹ ọ kere ne uwa ne eniwanrẹn san ibo ma egbe.

Job 7:6

Ẹdẹ mwẹ hia rrie vbe ne idaehọ ina rrọọ, okhian kẹ ọre sẹ ọkpido ọdukpọn.

Job 8:10

Sokpan, giẹ avbe emwa ẹwaẹn nẹdẹ ma uwẹ emwi, danmwehọ ẹmwẹ ne iran gha ta.

Psalm 102:11

Agbọn mwẹ yevbe aghọnghọn ota; I yevbe irunmwu ne ọ kakae.

Psalm 102:12

Sokpan, Nọyaẹnmwa, wẹ ọrọre ọba ẹdẹdẹmwẹdẹ; orre hia gha ye ruẹ rre.

Psalm 144:4

Te ọ yevbe oko ẹhoho, te ẹdagbọn rẹn yevbe aghọnghọn ne ọ rhie gberra khian.

Psalm 39:5

A miẹn vbene u ru ẹdẹ agbọn mwẹ kanmwa hẹ! Ẹdagbọn mwẹ i zẹdẹ mwẹ esa vba aro ruẹ. Vbẹmwata ọmwa nagbọn ma vbe sẹẹ, ẹhoho ne ọ rhie gberra khian.

Psalm 82:5

“Wa ma rẹn emwi rhọkpa hiehiere! A miẹn vbe uwa kọn hẹ! Te uwa wa kẹkẹ ua, a vbe ho ohiẹn ẹmwata bẹkun nẹ vbe agbọn.

Psalm 90:4

Ikpẹdẹ arriaisẹn, te ọ yevbe ẹdẹ nodẹ, ne ọrhie gberra nẹ, zẹ vbe ovbi ẹghẹ kherhe, vbe asọn.