Job 8:3 - Edo Bible (E Baibol Ẹdo) Version 1996

³ Osanobua i bu eku, ẹ i mwẹ ọ ma ru vbene ọ kei yi.

Job 8:3 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

II Krọnikol 19:7

Wa gha mu ohan e Nọyaẹnmwa ne uwa vbe gha ru emwi hẹnnẹhẹnnẹ, rhunmwuda, e Nọyaẹnmwa Osanobua mwa i zẹdẹ ho ne ọ họn ẹmwẹ ebikhuikhui, ra ohiẹn ikpanro ra igho odieke.”

Job 10:3

We yayi wẹ ọ kere ne ekhọe ruẹ wa wegbe vberriọ? Ne u zan emwi ne uwẹ tobọ ruẹ yi? Ne u vbe ya obọ ye iro ne emwa dan zẹe?

Job 19:6

Wa ma miẹn ọẹn ra i ghẹ Osanobua ọre ọ ru emwi na? Ọ khuẹn ifi ne ọ ya mu mwẹ.

Job 19:7

I datu wẹ obọ ẹre da mwẹ, a ma miẹn ọmwa ne ọ danmwehọ. I tu wẹ ne a bu ohiẹn mwẹ ẹse, a ma miẹn ọmwa ne ọ zẹ yọ.

Job 21:15

Iran ro wẹ ẹ i mwẹ esa ne a gha ga Osanobua, ra wẹ ọma ọkpa vbe lae dee, wẹ ne a gha na erhunmwu ghe ẹre.

Job 21:20

Gie emwa orukhọ ya uhunmwu mu oya iran. Wa giẹ iran miẹn ohu Osanobua ne Udazi vbe egbe iran.

Job 34:5

E Job wẹẹ rẹn i mwẹ abe rhọkpa, wẹẹ te Osanobua ma bu ohiẹn ẹmwata ne irẹn.

Job 35:13

Utumwẹ ne iran tu ladian i mwẹ esa ne ọ ye; Osanobua ne Udazi ma deghẹ iran a ma wẹ ọ gha vbe họn urhu iran.

Job 36:23

Orhiọnkpa i sẹtin tama Osanobua wẹ ghe emwi ne Ọ gha ru, ra ne ọ ba ẹre ifi ẹzọ wẹ Ọ ru emwi dan.

Job 36:3

Iruẹmwi mwẹ vẹwae, I gha lo emwi ne I rẹnrẹn ya rhie ma wẹ Osanobua ne Ayi ne ọ yi mwẹ rria asẹ.

Job 37:23

Ẹtin Osanobua kpọlọ sẹ vberriọ wẹ, ma i sẹtin sikẹ ọre, odẹ ẹmwata kevbe uhunmwu ẹmwẹ, ọre ọ ya gu emwa lo.

Job 4:17

‘Ọmwa gha sẹtin gha re ọmwata vbe odaro Osanobua ra? Ra ne ẹ i mwẹ iruẹn vbe odaro Ayi ne ọ yi ẹe?

Job 40:8

Ẹ i re te u ho ne u rhie maa wẹ, mẹ I ru emwi ẹmwata? Ne u bu ohiẹn gbe mwẹ kevbe ne u bu asẹ ne egbe uẹ?

Psalm 89:14

Ẹmwata kevbe uhunmwu ẹmwẹ, ọ re a gbe ẹyotọ arriọba ruẹ yan, aho ẹmwẹ ọmwa kevbe aguobọmwa, rhie egbe ma vbe emwi ne u ru hia.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Ezikiẹl 18:25

“Sokpan wa keghi kha wẹẹ, ‘Emwi ne Nọyaẹnmwa ne Udazi ru ma khuia.’ Wa danmwehọ mwẹ, wa ne ivbi Izrẹl, wa ro wẹ odẹ ne I ru emwi la ma khuia.

Ezikiẹl 33:17

“Emwa ruẹn ghi gha kha wẹ emwi ne I ru ma kei! Ẹ i re erriọ, emwi ne iran ru ọ re ọ ma gba.

Ezikiẹl 33:20

Wa ne ivbi Izrẹl khare wẹẹ, ‘Emwi ne I ru ma gba.’ Emwi ne uwa ru ọ re I ra ya bu ohiẹn uwa.”

Daniẹl 9:14

Wẹ ne Nọyaẹnmwa Osanobua mwa wa mu egbe ne u ya rri ima oya, u keghi ru ẹe vberriọ rhunmwuda, emwi ne ọ gbae ọ re uwẹ ru vbe ẹghẹ hia kevbe wẹ, ma ma danmwehọ ruẹ.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.

Arhie Maan 16:7

Mẹ keghi họn vbe urhu ọkpa guan ke uwu Ogiukpo rre wẹẹ, “Nọyaẹnmwa Osanobua ne Oghodua, Ẹmwata ne uhunmwu ẹmwẹ ọre avbe ibuohiẹn ruẹn wa khin.”