Job 7:9 - Edo Bible (E Baibol Ẹdo) Version 1996

^9-10 Zẹ vbe amẹ ne ọ bi ne ọ hoho ua, ọmwa gha wu, ẹ i ghi dọlegbe dee. Iran ni rẹn ọnrẹn ghi mianmian ẹẹn.

Job 7:9 ပူးပေါင်းရင်းမြစ်များ

II Samuẹl 12:23

Sokpan, ugbẹn vbe a ghi miẹn wẹ ọ wu nian, de emwi ne I gha he evbare ba? I gha sẹtin rhie ọmọ nii ke ẹrinmwi rre ra? Ẹdẹ ọkpa, mẹ gha bu ẹre gha rrie ehe ne irẹn ye, sokpan rẹn i ghi sẹtin dọlegbe bu imẹ gha de ọvbehe.”

II Samuẹl 14:14

Te ima gha he wulo, te ima yevbe amẹ ne a rhurhẹe ku otọ ne ẹ i ghi gia dọlegbe si koko. Emwa gha wulo, uhin ighẹ Osanobua ighi vbe dọlegbe viọ iran gha die agbọn. Sokpan ọba sẹtin gualọ odẹ la rhie ọmwa ke iwe rre.

Job 10:21

I gha kpao wan vbe ne I i ghi na vbe dọlegbe dee. I rrie ẹvbo ne ọ vuọn ne ebiebi ke ikhiẹkhiẹ egbe.

Job 11:8

Iso i he re ehe ne Osanobua isẹtin gberra, sokpan ọ gberra ehe ne ẹtin ruẹn sẹe. Osanobua rẹn ehe ne iran ni wulo nẹ ye, sokpan wẹ ma rẹn ọnrẹn.

Job 16:22

Rhunmwuda vbe iyeke omwa ukpo eso, I gha lele odẹ ne a i ghi na dọlegbe rre.

Job 17:13

Idaehọ ọkpa ne I mwẹ ọrọre ehe ne iran ni wulo nẹ ye. Ehe ne I gha na lovbiẹ gha vbiẹ vbe uwu ebiebi.

Job 17:16

Idaehọ i ra lele mwẹ gha khian, vbe i a gha rrie ehe ne iran ni wulo nẹ ye.”

Job 3:13

Akpawẹ te I wu, uwu ikẹtin ọ re I ghẹ gha ye nian,

Job 30:15

afianma gbe mwẹ fi otọ; uyi mwẹ hoho ua zẹ vbe ẹhoho ne ọ vẹ kua. Kevbe emwi ẹfe mwẹ zẹ vbe okuku amẹ.

Job 37:11

Ayan ke uwu ikpakpa iso yan ladian,

Psalm 39:13

Rhie obọ hin mwẹ ẹkun rre, ne I vbe fanmwegbua kherhe, a te do miẹn wẹ, I kpao gha rriẹ vbene a i ghi na miẹn mwẹ ọvbehe.

Aizaia 26:14

Banbanna nian, iran wulo nẹ, iran ighi dọlegbe di agbọn na ya ọvbehe, orhiọn iran i ra vbe rhiọrre, rhunmwuda, te uwẹ rrii iran oya u keghi fuẹn iran an. Ọmwa rhọkpa i ghi ye iran rre ọvbehe.

Aizaia 38:11

I te gha ro wẹ mẹ i ghi dọlegbe miẹn Nọyaẹnmwa. Ra ọmwa ne ọ rre agbọn vbe agbọn emwa ni ma he wulo na.