Job 7:7 - Edo Bible (E Baibol Ẹdo) Version 1996

⁷ “Osanobua, yerre wẹ, uhiọnrọnmwẹ ọkpa kẹkan ọ re ẹdagbọn mwẹ khin, oghọghọ ne I mwẹ fo nẹ.

Job 7:7 ပူးပေါင်းရင်းမြစ်များ

Gẹnẹsis 42:36

Erha iran keghi kha ma iran wẹẹ, “Te uwa ra ya mwẹ khian ne ẹ i ghi mwẹ emọ hiehiere. E Josẹf kpaa, Simiọn I ghi rrọọ, Bẹnjamin ọ re uwa ghi ho ne uwa vbe rhie, uhunmwu mwẹ ọre usẹ na ye!”

Nehimaia 1:8

Yerre nian, vbene u tama Mosis hẹ wẹẹ, ‘A deghẹ wa ne ivbi Izrẹl ma rhie egbe mu mwẹ ẹse, I gha zagha uwa a lele otọe ẹvbo ọvbehe.

Job 10:20

Ẹ i re te ẹdagbọn mwẹ ghi ra fo na ra? Rhie obọ hin mwẹ ẹkun rre. Ne a gunmwẹ ye ẹghẹ ne ọ kẹe mẹ zọmọ.

Job 10:9

Yerre wẹ obuẹ ọ re u ya ma mwẹ, te u ghi ra vbe dunmwu mwẹ khian ebubẹ ra?

Job 7:16

I zobọ vbọ, agbọn khan mwẹ nẹ, wa hẹko sẹ mwẹ rae; I i ghi mwẹ esa ni gu agbọn ye.

Job 9:25

Ẹdẹ agbọn mwẹ rhulẹ gberra khian, ọkpa ne ọma i rrọọ.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 4:6

Emwa nibun ọ re ọ na erhunmwu wẹẹ, “Rhie afiangbe ba afiangbe ne ima Nọyaẹnmwa Ye aro itohan ghe mwa!”

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Psalm 74:22

Rhiọrre Osanobua ne u khọn ekhae ne egbe ruẹ, yerre wẹ, avbe emwa ni ma rẹn ruẹn wa giẹ uwẹ ne ebi ro.

Psalm 78:39

Ọ yerre wẹ emwa ni sẹtin wulo iran khin, zẹ vbe ẹhoho ne ọ hoho gberra, a ghi ho ẹre bẹkun.

Psalm 89:47

Yerre vbene ẹdẹ agbọn mwẹ kanmwa sẹ hẹ, yerre ighẹ te u yi ima hia ne a vbe sẹtin gha wu.

Psalm 89:50

Ghẹ mianmian vbene a rhovbiẹ mwẹ ne ọguọmwadia ruẹ hẹ vbene I ye egbe miẹn ihẹn ne iran ni ga ẹbọ tie hẹ.

Jerimaia 15:15

Ẹghẹ nii ọ re imẹ na kha wẹẹ, “E Nọyaẹnmwa, wẹ rẹn vbene emwi yẹ hẹ. Ye mwẹ rre ne u yọmwẹ obọ. Gun mwẹ sẹtin rria iran ni zẹ mwẹ kpokpo ikhi. Ghẹ ziengbe ne obọ iran gba mwẹ ya rhie gbe ua yerre wẹ rhunmwuda ruẹ ọ re a na rhovbiẹ mwẹ.

Jems 4:14

Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.