Job 7:6 - Edo Bible (E Baibol Ẹdo) Version 1996

⁶ Ẹdẹ mwẹ hia rrie vbe ne idaehọ ina rrọọ, okhian kẹ ọre sẹ ọkpido ọdukpọn.

Job 7:6 ပူးပေါင်းရင်းမြစ်များ

Job 13:15

Idaehọ mwẹ fo nẹ, rhunmwuda ọnii, ẹ i ghi mwẹ asa a deghẹ Osanobua gbe mwẹ uan. I gha gui ene unumwẹ ma rẹn.

Job 14:19

Amẹ ghi gha wiẹn okuta kua, amẹ ne ọ dae ghi kpọlọ ekẹn otọ gha rrie. Ẹghẹ nii, wẹ fuẹn idaehọ a rrọọ ne ọmwa mwẹ kua.

Job 16:22

Rhunmwuda vbe iyeke omwa ukpo eso, I gha lele odẹ ne a i ghi na dọlegbe rre.

Job 17:1

“Ufomwẹ ẹdẹ agbọn mwẹ rre nẹ. Egbe iregbe ne I ghi ya sẹtin hiọnrọn; emwi ne ọ ghi kẹe mẹ i ghi rrọ gberra idin.

Job 17:11

Ẹghẹ mwẹ gberra nẹ; iro ekhọe mwẹ hia rriọkua; idaehọ mwẹ wirua.

Job 17:15

De ehe ne idaehọ ghi ye ye mwẹ re yi? Gha ọ yaro kọ ọkpa?

Job 17:16

Idaehọ i ra lele mwẹ gha khian, vbe i a gha rrie ehe ne iran ni wulo nẹ ye.”

Job 19:10

Ọ liki mwẹ vbe igienenẹ. Ọ si idaehọ mwẹ vbọ rhie fua, ọ na sẹ mwẹ rae ne I luẹluẹ wu fua.

Job 6:11

De ẹtin ne I mwẹ ne I gha na ye gha rre agbọn yi? Vbe i a ghi rre agbọn ba vbe idaehọ i ghi rrọ?

Job 9:25

Ẹdẹ agbọn mwẹ rhulẹ gberra khian, ọkpa ne ọma i rrọọ.

Psalm 102:11

Agbọn mwẹ yevbe aghọnghọn ota; I yevbe irunmwu ne ọ kakae.

Psalm 144:4

Te ọ yevbe oko ẹhoho, te ẹdagbọn rẹn yevbe aghọnghọn ne ọ rhie gberra khian.

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Jerimaia 2:25

Izrẹl, ghẹ wiẹn owẹ uwa a ra ne ẹho uwa vbe kaka ne uwa ya khọn lele ẹbọ ọvbehe khian. Sokpan, wa ghi kha wẹẹ, ‘Ẹn o, I i sẹtin werriegbe. Avbe ẹbọ ẹrrẹe la mwẹ aro nẹ, te I ra lele iran.’ ”

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Jems 1:11

Ovẹn ghi yan rre ke ẹe kevbe owowo ẹre ne ọ giẹn emwi ruan, ọ ghi giẹn ovbi erhan nii uan, obobo ẹre ghi kha kha kua, ose ẹre ghi la ọ rhiae rrie. Erriọ vbe nọ ọmwa ne ọ fe gha vbe la ọrhiae rrie, vbe uwu ehe ne ọna ru emwamwa iwinna rẹn.

Jems 4:14

Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 1:24

Zẹ vbene ebe kha re, “Te emwa hia ye vbe irunmwu ne oha, uyi ẹre hia ye vbe obobo ẹre. Irunmwu wu, obobo ẹre kharha kua,