Job 7:2 - Edo Bible (E Baibol Ẹdo) Version 1996

² Ọ yevbe ọviẹn ne ọ gualọ irhu ne ọ gha lẹre yi. Zẹ vbe ọmwa iwinna ne ọ diakhẹ ne a ha irẹn osa.

Job 7:2 ပူးပေါင်းရင်းမြစ်များ

Gẹnẹsis 34:8

Hamọ, keghi khama iran wẹẹ, “E Siẹkẹm ne ovbi mwẹ ho ne ọ rhie ovbuẹ nokhuo rọnmwẹ; lahọ, wa giẹe rọnmwẹ ọẹn.

Job 7:1

“Ẹdagbọn ọmwa nagbọn, te ọ ye vbe okuo ne a ya ẹtin mu ọmwa gha rrie.

Job 7:3

Ke uki ya dinna uki, mẹ i miẹn emwi ne I rre agbọn ba. Asọn dinna asọn, akhiẹ ehia viọ bu mwẹ rre.

Psalm 119:131

Vbe uwu ne I na gualọ iyi ruẹ khian, te I ghi rhan unu ye otọ gha hẹwẹ fuẹnfuẹn.

Psalm 143:6

I viọ obọ mwẹ da odukhunmwu na erhunmwu ghe ruẹ, ovbamẹ ruẹn gbe ekhọe mwẹ, zẹ vbe otọe ne ọ kae.

Jerimaia 6:4

Iran gha kha wẹẹ, “Wa mu egbe ne a dekun e Jerusalẹm. Wa mu egbe! Ma gha dunmwu ẹẹn vbe ogiavan!” Sokpan, iran gha vbe kha wẹẹ, “Ọ kpee gbe nẹ, te ẹdẹ ghi ra mu, te aghọnghọn ota ghi wa tan.

Levitikọs 19:13

“Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Jona 4:6

Ẹre Nọyaẹnmwa na ru ẹe ne erhan ọkpa zọ vbe ehe ne Jona ye ne ọ mu irhu gue ẹre, ne egbe miẹn ehe na rọkhọ ẹe sẹ ayọ. Ẹmwẹ erhan nii keghi ye ẹko e Jona rhiẹnrhiẹn ẹsẹse.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Diuteronomi 24:15

U ghi gha ha osa iwinna ne ọ winnaẹn ne uẹn ẹdẹgbegbe vbe ovẹn te de ro, ọ mwẹ emwi ne ọ ya ẹe ru, ọ vbe rhie aro ye odẹ khẹ ọ re nẹ ighẹ ọ gha sẹ irẹn obọ. a deghẹ u ma ha ẹre nẹ ẹẹn, ọ gha viẹ bu e Nọyaẹnmwa gha khian, a gha bu abe gbe uẹ.

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.