Job 7:16 - Edo Bible (E Baibol Ẹdo) Version 1996

¹⁶ I zobọ vbọ, agbọn khan mwẹ nẹ, wa hẹko sẹ mwẹ rae; I i ghi mwẹ esa ni gu agbọn ye.

Job 7:16 ပူးပေါင်းရင်းမြစ်များ

Job 10:1

“Agbọn khan mwẹ nẹ, Danmwehọ ẹzọ orriara ne I gui.

I Ọba 19:4

Elaija na ye vbe khian okhian ikpẹdẹ hoho la uwu oha. Ọ keghi yakọ, ọ na tota ye ototọ irhu ọghe erhan, ọ na wẹ rẹn wu ọ re ọ ghi maa sẹ. Ọ keghi na erhunmwu wẹẹ, “Ọ sẹ mwẹ abọ nẹ Nọyaẹnmwa. Rhie orhiọn mwẹ ighẹ i wu ọ re ọ ghi maa sẹ!”

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”

Psalm 39:13

Rhie obọ hin mwẹ ẹkun rre, ne I vbe fanmwegbua kherhe, a te do miẹn wẹ, I kpao gha rriẹ vbene a i ghi na miẹn mwẹ ọvbehe.

Job 14:6

Rhie aro hin ẹre egbe rre ne u sẹ ọe rae, ne u giẹ ẹe vbe zọmọ vbe agbọn usẹ ne ọ ye, a deghẹ ọ gha sẹtin.

Job 10:20

Ẹ i re te ẹdagbọn mwẹ ghi ra fo na ra? Rhie obọ hin mwẹ ẹkun rre. Ne a gunmwẹ ye ẹghẹ ne ọ kẹe mẹ zọmọ.

Job 9:21

I ma rẹn ọkpa I ma rẹn eva, sokpan mẹ i ghi zẹ yọ nian. Agbọn khan mwẹ nẹ. Emwi rhọkpa i ghi rrọọ. U rri asẹ ra te u rri abe. Te Osanobua ye fuẹn ima hia a.

Job 6:9

Akpawẹ ọ gha wa giẹ obọ kẹe ne ọ gbe mwẹ uan nian!

Jona 4:3

Rhunmwuda ọnii Osanobua, gun mwẹ wa wu, rhunmwuda, I wa wu ọre ọ maa sẹ agbọn ne I ye na.”

Psalm 144:4

Te ọ yevbe oko ẹhoho, te ẹdagbọn rẹn yevbe aghọnghọn ne ọ rhie gberra khian.

Psalm 78:33

Rhunmwuda ọnii, ọ keghi fian iran ẹdagbọn uan, zẹ vbe uhiọnrọnmwẹ, kevbe arrọ ọghe iran vbe uwu ekpainkpain.

Psalm 62:9

Te emwa yevbe uhiọnrọnmwẹ ihue, ke ne ọ kpọlọ kevbe ne ọ kanmwa, kẹkan ehia khin. Mu iran ye omwa iran i si uwan rhọkpa iran hogha sẹ uhiọnrọnmwẹ kẹkan.

Psalm 39:10

Ghẹ ghi rriọmwẹ oya sẹ ọna. Te avbe emwi ne u fi mwẹ re ghi ra gbe mwẹ uan.

Gẹnẹsis 27:46

Ribẹka keghi tama Aizik wẹẹ. “Egbe ikhuo eghọẹn ne Isọ viọre wọ mwẹ, ẹtin iran fo mwẹ. A i ghẹ miẹn wẹ te Jekọb ghi vbe rhie vbe ivbi e Hiti na, ọnii ọre I ghi na wu!”

Job 7:7

“Osanobua, yerre wẹ, uhiọnrọnmwẹ ọkpa kẹkan ọ re ẹdagbọn mwẹ khin, oghọghọ ne I mwẹ fo nẹ.

Job 7:15

a te do miẹn wẹ a niẹn mwẹ rhie fua, ọre ọ fu mwẹ egbe sẹẹ nẹ I ye gha mu egbe usẹ na khian.

Psalm 78:39

Ọ yerre wẹ emwa ni sẹtin wulo iran khin, zẹ vbe ẹhoho ne ọ hoho gberra, a ghi ho ẹre bẹkun.

Jerimaia 8:3

A vbe ivbi ẹvbo dan na ni ghi miẹn uhunmwu vbọ, ni rre dọmwadẹ ehe ne I zagha iran kui, gha ho wẹ iran wu ọ re ọ maa sẹẹ ne iran gha rre agbọn, Mẹ ne Nọyaẹnmwa ne Oghodua tae nẹ.”

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Asan-Ibo 2:17

I keghi miẹn wẹ agbọn na ma zẹdẹ mwẹ esa ne ọ ye mẹ rhunmwuda, orueghe ọ re emwi hia ni rrọọ hẹ gun mwẹ, te ehia wa khuola; te I wa gha khu ẹhoho khian.