Job 5:9 - Edo Bible (E Baibol Ẹdo) Version 1996

⁹ Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Job 5:9 ပူးပေါင်းရင်းမြစ်များ

Job 10:16

Emwi gha dunna mẹ kherhe, u ghi zẹ mwẹ khu zẹ vbe oduma, u ghi gha zẹ edunna, ne emwi miẹn ehe na vba mwẹ.

Job 13:1

“Ẹmwẹ ne u wa talọe hia, I ka họn ehia de yi. I rẹn otọ ehia. Mẹ vbe rẹn sẹ zẹ vbene uwa vbe rẹn. I i re ne ọ ma sẹ ihe uwa.

Job 37:14

E Job, dobọyi kherhe ne u danmwehọ, roro ẹmwẹ emwi ọyunnuan hia, ne Osanobua ru.

Job 37:16

Wẹ rẹn vbene amẹ ne ọ bi ya werriẹ khian hẹ vbe ikpakpa iso ra? Iwinna iguona ọyunnuan ọghe Osanobua?

Job 37:5

emwi ọyunnuan ni bun kegha sunu vbe Osanobua giẹ vberriọ. Emwi ọyunnuan ne ima isẹtin rẹn otọ ẹre.

Job 42:3

U nọ rẹn wẹ vbọzẹ ne imẹ ne ọ ma rẹn na ye, na gbikhaẹn ye ẹmwẹ ẹwaẹn ruẹn? I guan vbe ekpa emwi ne I ma rẹn otọ ẹre vbe ekpa emwi ọyunnuan ne ọ kpọlọ gberra ne I gha sẹtin rẹn.

Job 9:10

Ma i sẹtin rẹn otọ iwinna nekhua ne ọ winna, iwinna ọyunnuan ẹnrẹn i vbe mwẹ ọfo.

Psalm 139:18

I gha wẹ ne I ka iran, iran gha bun sẹ ikpekhae ne otọ. I gha rhiọrre, ehe ne u ye ọre I ye ye.

Psalm 145:3

E Nọyaẹnmwa kpolo, ọmwa ne a kakabọ rho ẹre vbe nọ, ukpọlọmwẹ ọnrẹn gberra ne ọ gia rẹn otọ ẹre.

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Psalm 72:18

Wa rho e Nọyaẹnmwa ne Osanobua Izrẹl! Rẹn ọkpa kẹkan, ọ re ọ ru avbe emwi ọyunnuan na hia.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Asan-Ibo 3:11

Rẹn mwamwa ẹghẹ ne emwi hia kei yi ye otọ nẹ. Ọ vbe rhie ne ima ne a gha ho ne a rẹn vbene ẹdẹ nakhuẹ ra gha ye hẹ, sokpan, ọ ma gie ẹko ẹre vuọn ima wẹ ma rẹn otọ emwi ne ọ ru ẹsẹse.

Aizaia 40:28

Wẹ ma rẹn ra? U ma he họn? E Nọyaẹnmwa ọrọre Osanobua etẹbitẹ rẹn ọ re ọ yi agbọn na hia. Egbe i wọ ẹre, ẹtin i fu ẹe ọmwa ne ọ rẹn iro ekhọe ẹre i rrọọ.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.