Job 5:8 - Edo Bible (E Baibol Ẹdo) Version 1996

⁸ “Akpawẹ mẹ ọrọre uwẹ, I ghẹ hẹko sikẹ Osanobua I gha gui ẹzọ mwẹ ma rẹn.

Job 5:8 ပူးပေါင်းရင်းမြစ်များ

Job 11:13

“Dọlọ ekhọe ruẹ yi e Job, sua owẹ sẹ ehe ne Osanobua ye.

Job 13:3

Sokpan Osanobua ọ re ima gba muan ẹmwẹ ighẹ ẹ i re uwa. I ho ne I gui ẹzọ mwẹ ma rẹn.

Job 22:21

“E Job, ya dọlọ ne Osanobua ruẹ, ghẹ ghi ka ẹe ye oghian ruẹn; u gha lae vberriọ, ọ gha fiangbe uẹ.

Job 22:27

U gha na erhunmwu, ọ ghi họn we ghi vbe gha ha emwi ne u ve.

Job 8:5

Sokpan, banbanna nian, fiwerriẹ ne u rinmwian Osanobua Oghodua.

Psalm 37:5

Rhie egbe ruẹ ne Nọyaẹnmwa mu ẹtin yan rẹn ọ gha yi uẹ obọ.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Jerimaia 11:20

Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.

I Pita 4:19

Rhunmwuda ọnii khekherriọ, iran ni rri oya rhunmwuda wẹ, vbene Osanobua wẹ emwi gha ye iran hẹ nọ, wẹ ne iran la ekpa uyinmwẹ esi iran wa ya egbe iran hia yan Ayi ne ọ yi iran, ọmwa ne ọ re ne ẹ i hiẹ ọmwa.