Job 42:9 - Edo Bible (E Baibol Ẹdo) Version 1996

⁹ Ẹlifaz, e Bildad kevbe Zofa keghi ru zẹ vbene Nọyaẹnmwa tama iran, e Nọyaẹnmwa keghi họn erhunmwu e Job.

Job 42:9 ပူးပေါင်းရင်းမြစ်များ

Gẹnẹsis 20:17

Nọyaẹnmwa keghi ruẹe ne okhuoikokhuo ghe miẹn ọmọ biẹ vbe owa Abimẹlẹk rhunmwuda emwi ne ọ sunu vbe egbe Sera ne amwẹ Ebraham. Ebraham keghi na erhunmwu ne Abimẹlẹk, Osanobua keghi mu ẹre egbe rran. Ọ kevbe mu amwẹ ọnrẹn ke avbe eviẹn ọnrẹn nikhuo ne iran sẹtin gha biẹlẹ.

Job 2:11

Eha vbe uwu avbe se ne Job mwẹ keghi re, Ẹlifaz ne ovbi ẹvbo ne a tie ẹre Tẹman, e Bildad ne ovbi e Siua kevbe Zofa ne ovbi e Naama. Iran ghi họn vbene emwi ba so e Job hẹẹ, iran na wẹ iran ra ya fu ẹre ẹko rre.

Job 22:27

U gha na erhunmwu, ọ ghi họn we ghi vbe gha ha emwi ne u ve.

Job 22:30

Ọ gha miẹn ruẹn fan adeghẹ u ma rria a be adeghẹ uyinmwẹ ruẹn gba ẹe.”

Job 42:10

Ugbẹn vbe Job ghi na erhunmwu ne esiọ re eheha nẹ, e Nọyaẹnmwa keghi dọlegbe giẹ agbọn ma rẹn, ọ keghi viọ emwi ukhukhu eva ọghe ne ọ te ka mwẹ ne ẹẹn.

Job 42:8

Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Matiu 7:24

“Rhunmwuda ọnii, ọmwaikọmwa ne ọ họn ẹmwẹ mwẹ na, ọ na vbe yae gha yin, I gha yae gie umẹwaẹn ọkpa ne ọ bọ owa yan okuta.

Iyẹn ne ọ Maan Ọghe Jọn 2:5

Iye Jesu keghi tama avbe eguọmwadia wẹẹ, “Emwi ne ọ rhirhi wẹ ne uwa ru, wa ru ẹe.”

Iwinna 10:33

Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.