Job 4:6 - Edo Bible (E Baibol Ẹdo) Version 1996

⁶ U ga Osanobua, uyinmwẹ ruẹn ma vbe gha mwẹ okan. Rhunmwuda ọnii, ọ kere ne u gha mwẹ ekhọe ne ọ sotọ kevbe idaehọ.

Job 4:6 ပူးပေါင်းရင်းမြစ်များ

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 13:15

Idaehọ mwẹ fo nẹ, rhunmwuda ọnii, ẹ i ghi mwẹ asa a deghẹ Osanobua gbe mwẹ uan. I gha gui ene unumwẹ ma rẹn.

Job 16:17

Sokpan, I ma rria abe uyinmwẹ ikẹtin, erhunmwu ẹmwata ọ re I na ghe Osanobua.

Job 17:15

De ehe ne idaehọ ghi ye ye mwẹ re yi? Gha ọ yaro kọ ọkpa?

Psalm 26:1

Bu asẹ mẹ, Osanobua, rhunmwuda mẹ ru vbene ọ kei yi I keghi mu ẹtin yan ruẹn fẹfẹẹfẹ.

Psalm 27:3

Ọ gha khọn rẹn wẹ, te okuo ghae ga mwẹ, afianma i ra fianmwẹ, ọ gha khọn avbe eghian, wẹ ne iran dekun mwẹ, te imẹ gha ye mu ẹtin yan Osanobua.

Itan 14:26

A ya ọghọ ne Nọyaẹnmwa, ekhọe kevbe ẹkun ne ọ sotọ ọ re ọ rhie ne igiowa ọmwa.

Itan 3:26

E Nọyaẹnmwa gha rhie ruẹ lẹre. Ẹ i vbe guẹ de ye ifi.

Aizaia 33:6

Ọ gha rhie ẹkun ne ọ sotọ ne uhunmwu ẹvbo nii. Te irẹn wa degue emwa rẹn vbe ẹghẹ hia, ọ ghi vbe gha rhie ẹwaẹn kevbe irẹnmwi ne iran. Ẹfe ne ọ sẹẹ ehia ne iran mwẹ ọrọre ọghọ ne a ya ne Nọyaẹnmwa.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.