Job 4:4 - Edo Bible (E Baibol Ẹdo) Version 1996

⁴ Ọmwa gha ye mitanmitan, egbe na wọ ẹre, ọ na de, ẹmwẹ unu ruẹn ọ re ọ rhie ẹtin ne ẹẹn ne ọ guakpao vbe otọ.

Job 4:4 ပူးပေါင်းရင်းမြစ်များ

Job 29:11

“Ọmwa ne ọ rhirhi miẹn mwẹ, ra ni rẹn mwẹ, gha miẹn emwi ọkpa ne ọ maa ta vbe ekpa mwẹ wẹ ghe emwi ne I ru.

Job 29:25

I ghi mu unu gha ta emwi ne a gha ru, I ghi ke odaro ne iran zẹ vbene ọba ke odaro ne ivbiyokuo irẹn. I ghi fu iran ẹko rre vbe egbe a ghi wọ iran ye otọ nẹ.”

Job 4:3

Emwa ni bun ọ re uwẹ he ma ẹre emwi, u keghi vbe rhie ẹtin ye obọ ne ọ luẹluẹe iwu.

Job 4:5

Eban nian, ọlọghọmwa nii, sẹ uwẹ egbe. Egbe ẹre kan an sẹrriọ wẹ u i ho ne u ziengbe ẹre.

Psalm 145:14

Ọ ru iyobọ ne iran ni rre uwu ibaro, ọ munọ iran ni dele kpaegbe.

Itan 12:18

Ẹmwẹ akpa, te ọ fian ẹwẹn ne ọ da zẹ vbe umozo, sokpan ẹmwẹ ne a ya ẹwaẹn ta, te ọ kpe ẹwẹn rrie.

Itan 25:11

Ẹmwẹ ne a ta la owa ẹre, te ọ yevbe iwinna ona igoru ne a ma yan esiliva.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

II Kọrinti 2:7

Vbene ọ rhirhi gha ye hẹ, wa ya bọ ẹe, wa ghi vbe gha bu ẹre ude iwo vbe egbe ne ekhọe ẹre ghẹ ya rhia sẹrriọ ne ọ gha na ghi wa zobọ fẹẹrẹ.

II Kọrinti 7:6

Sokpan, Osanobua ne ọ rhie ẹtin ne ne egbe wọ fo nẹ, keghi ye urremwẹ Taitọs rhie ẹtin ye ima iwu.

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

Hibru 12:12

Rhunmwuda ọnii, wa gie obọ uwa ne lughọlughọ si tua, wa vbe gie igbọn ne ọ rhie gbe egbe de ziẹn.