Job 3:5 - Edo Bible (E Baibol Ẹdo) Version 1996

⁵ Gi ẹe khian ẹdẹ akhiẹ kevbe ebiebi ne ọ mwẹ imi, ye okuku amẹ gue ẹre, ne u khiẹn owẹn fua vbọ.

Job 3:5 ပူးပေါင်းရင်းမြစ်များ

Job 16:16

I viẹe ẹsẹse rhinrin ugbaro mwẹ ke do gha baa. Aro mwẹ keghi hue, aghọnghọn gbe okin lẹga ẹre.

Job 24:17

Ohan uwanmwẹ vbe mu iran, sokpan asọn i mwẹ orrirri vbe obọ iran.

Job 28:3

Emwa ye gualotọ ehe ne ọ dinmwi vbe uwu otọ. Iran ghi gualotọ ehe ne ọ dinmwi vbe uwu otọ. Iran ghi gha tọnnọ gualọ okuta nekhua khian vbe ebiebi.

Job 3:4

Osanobua fi ẹdẹ nẹdẹrriọ werriẹ khian ebiebi. Ghẹ dọlegbe ye ẹdẹ nẹdẹrriọ rre. Ghẹ giẹ uwanmwẹ dọlegbe wan yọ.

Job 3:6

Khiẹn ẹdẹ nẹdẹrriọ hin ukpo rre, ghẹ giẹ a ghi ka ẹe ba ẹre ọvbehe.

Job 34:22

Ebiebi ne ọ so sẹ ne ọ gha degue ọmwa orukhọ ne Osanobua, ẹ i rrọọ.

Job 38:17

Iran he vbe ma ruẹn ẹkhu ne ọ khui urho odẹ ne ọ rrie ẹvbo ebiebi iran ni wulo nẹ ra?

Psalm 107:10

Eso kegha rrọ vbe uwu akhiẹ kevbe ebiebi oleghan ni susẹ vbe ọgiọrọ,

Psalm 107:14

Ọ viọ iran ke uwu akhiẹ kevbe ebiebi ladian, ọ keghi bunnọ ọgiọrọ iran hẹ kua.

Psalm 23:4

Vbe ẹmwata, mẹ gha rhe gha khian vbe adesẹ uguowẹ, ọghe aghọnghọn uwu, ohan ọkhọ rhọkpa i ra mu mwẹ Nọyaẹnmwa, rhunmwuda, wẹ deba mwẹ. Orhokhua ruẹ kevbe ọkpọ ruẹ ehia tan obọ gue mwẹ.

Psalm 44:19

Sevba, u sẹ ima rae ye uwu ẹbu aranmwẹ oha vbe egbe fu ima nẹ u keghi sẹ mwa rae ye uwu ebiebi, ne ọ so kankan an kan.

Aizaia 9:2

Iran ni te ka khian vbe uwu ebiebi miẹn uwanmwẹ nọkhua otọe aghọnghọn ọ re iran te ye usin banbanna nian, uwanmwẹ wan yan iran.

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Ezikiẹl 30:3

Ẹdẹ sikẹ otọ nẹ, ẹdẹ ne Nọyaẹnmwa gha zẹ yọ, ẹdẹ okuku amẹ ke ọghe orueghe ne uhunmwu ẹvbo hia.

Ezikiẹl 34:12

Zẹ vbe ne ọsuohuan gbearoghe avbe ohuan ne ọ te zagha kua, a na ghi dọlegbe sii iran koko. I gha viọ ehia werriegbe ke ehe hia ne a te zagha iran kui vbe ẹdẹ ọfuan ne ọ so ebiebi nii.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Emọs 5:8

E Nọyaẹnmwa ọ re ọ yii avbe orhọnmwẹ, iyọkhọkọ kevbe Agho. Ọ ye ebiebi khian uwanmwẹ kevbe avan khian asọn. Ọ gha datie amẹ ni rre okun ọ ghi hihiẹ ọe ku otọ. E Nọyaẹnmwa ọrọre eni ẹnrẹn.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Diuteronomi 4:11

Wa tama ivbi uwa vbene uwa do mudia ye ototọ oke nii ne okuku ne ọ mwẹ imi ọghe ighogho nekhui gue mu otọ, ọ na vbe gha kpannọ erhẹn sẹ iso.

Hibru 12:18

Wa ma he sẹ eke ne ọ gha da uwa egbe, zẹ vbene ọ ghe ivbi Izrẹl gha ye vbe Oke Sainai, ke ẹe kevbe erhẹn ọnrẹn ne ọ ba gidigidi, ebiebi kevbe okuku kevbe okpẹhoho.