Job 3:4 - Edo Bible (E Baibol Ẹdo) Version 1996

⁴ Osanobua fi ẹdẹ nẹdẹrriọ werriẹ khian ebiebi. Ghẹ dọlegbe ye ẹdẹ nẹdẹrriọ rre. Ghẹ giẹ uwanmwẹ dọlegbe wan yọ.

Job 3:4 ပူးပေါင်းရင်းမြစ်များ

Job 3:5

Gi ẹe khian ẹdẹ akhiẹ kevbe ebiebi ne ọ mwẹ imi, ye okuku amẹ gue ẹre, ne u khiẹn owẹn fua vbọ.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Emọs 5:18

U miẹn vbe ọ gha ba so uwa hẹ wa ni rhie aro ye odẹ gha khẹ ẹdẹ e Nọyaẹnmwa. De emwi ne uwa ro ighe wa gha miẹn vbọ yi? Ẹdẹ ne ọ so ebiebi khian gha nọ ne uwa, ighe ẹ i re ẹdẹ uwanmwẹ.

Matiu 27:45

Owẹn ghi wa sẹ adesẹ ukhunmwu, ebiebi keghi wa so vbe ẹvbo ni hia, ọ keghi so ya omwa ẹgogo eha.

Iwinna 27:20

Vbe ikpẹdẹ ni bun, ma ma bẹghe owẹn ra avbe orhọnmwẹ, ẹhoho keghi wa ye kakabọ gha hoho, ọ ghi zẹ kpẹe, ma keghi wa rhie aro hin rre wẹ a gha ye miẹn uhunmwu.

Diuteronomi 11:12

E Nọyaẹnmwa Osanobua uwa ọ re ọ gbe aro ghe otọe na, ọ ghi vbe gha ba ẹe ne ukpo rhu.

Arhie Maan 16:10

Iyeke ọnii odibosa ne ogisẹn keghi hihiẹ ọkpan ọghọe yan ẹkete aranmwẹ oha nii. Ebi keghi ro gue arriọba aranmwẹ oha nii, emwa kegha ya akọn rri aranmwẹ ni rre iran unu, rhunmwuda avbe obalọ nii.