Job 24:3 - Edo Bible (E Baibol Ẹdo) Version 1996

³ Iran ghi mu ekẹtẹkẹtẹ ọghe emọ ne ẹ i mwẹ erha, iran ghi da ẹkhuia ẹmila ẹgbẹ yi ọ te do ha iran osa ne ọ re vbe obọ iran.

Job 24:3 ပူးပေါင်းရင်းမြစ်များ

Job 6:27

Wa gha sẹtin yan uta ye ọviẹn ne udefiagbọn, wa ghi silo emwi ọse uwa khuankhuaankhuan ya vuọn ẹfe uwa.

Ẹksọdọs 22:26

U gha rhie ẹwu su ọmwa ye osa ne ọ gha ha ruẹ re, u ghi rhie ẹre werriegbe nẹẹn vbe owẹn te de fua.

Diuteronomi 24:6

“U gha rhie emwi ne ọmwa mọmọ, ghẹ mu olọ ne ọ ya lọ avbe ẹhiẹn zẹ vbe emwi ne a dayi, rhunmwuda emwi iwinna ne ọ ya da egbe yi ọ re u mu nii.

Diuteronomi 24:7

“Ọmwaikọmwa ne ọ do ovbi Izrẹl ne ihua ẹre mu, ọ na ya ẹe gha do ẹki egbe ẹre, ra ọ na khiẹn ọẹn, a ghi gbe ẹe rua. Odẹ vberriọ, ọ re uwa gha ya ghe ukhu ọkhọ na rua.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”