Job 2:8 - Edo Bible (E Baibol Ẹdo) Version 1996

⁸ E Job keghi ya tota ye otiku, ọ na rhie ebunbunmwẹhẹn ya gha hia erhọn.

Job 2:8 ပူးပေါင်းရင်းမြစ်များ

II Samuẹl 13:19

Ọ keghi khakha emuẹn ye egbe ẹre uhunmwu, ọ yanghan ẹwu nii uan, ọ keghi viọ obọ gue aro, ọ na viẹ gha rrie.

Ẹsta 4:1

E Modekai ghi họn avbe emwi na hia ni sunu, ọ keghi sọ ukpọn ye egbe ẹre ẹkun, ọ keghi viọ ukpọn akhiẹ yọ, ọ keghi zẹ emuẹn yan uhunmwu, ọ keghi khian la ẹvbo nii lẹga vbene ọ na wa kpe orhu eve orriara.

Ẹsta 4:3

Ehe ne otọe ni lae ehe ne ọ rhanmwẹ, ehe ne a ghi na wewe ẹmwẹ na, eve orriara kegha rrọọ vbe uwu ẹbu avbe Ju. Iran kegha yo aguẹ, iran na gha viẹ, iran na gha go, ni bun vbe uwu iran kegha viọ ukpọn akhiẹ ye egbe, iran na lovbiẹ ye uwu emuẹn.

Job 2:9

Amwẹ ọnrẹn keghi tama rẹn wẹẹ, “Te u ye sikan mu ẹẹn vbe ne u ye de ẹdẹ, u he tie ihẹn ne Osanobua ne u wu?”

Job 42:6

Rhunmwuda ọnii, ekhue ẹmwẹ ne I talọe hia mu mwẹ. I roiro fiwerriẹ vbe uwu ebubẹ kevbe emuẹn.”

Psalm 38:5

Ẹtẹ mwẹ wia, ọ vbe kẹkẹ ua rhunmwuda ukọnmwẹ mwẹ.

Psalm 38:7

Emwirraro ye egbe mwẹ giẹn uan I sikẹ uwu fo.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Ezikiẹl 27:30

Ehia wa khiẹ ne uẹn ẹsẹse, iran zẹ ekẹn ye uhunmwu, iran kegha wunnu vbe uwu emuẹn.

Jona 3:6

Ugbẹn vbe ọba e Ninevi ghi họn, ọ keghi kpaegbe vbe ẹkete ọ keghi ban ẹwu ẹre mu fua, ọ na viọ ukpọn akhiẹ yọ, ọ na tota ye uwu emuẹn.

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.