Job 2:7 - Edo Bible (E Baibol Ẹdo) Version 1996

⁷ Esu keghi kpao hin odaro e Nọyaẹnmwa rre. Ọ na ya tue erhọn ni ghekpe ku e Job egbe hia, ke atataowẹ ya sẹ uhunmwu.

Job 2:7 ပူးပေါင်းရင်းမြစ်များ

II Samuẹl 14:25

A ma vbe miẹn orhiọnkpa vbe Izrẹl ne a gha ya gie Absalọm vbe ose, wa ke uhunmwu ya sẹ ikpihianwẹ, okan rhọkpa i vbe rrọ ọre egbe.

I Ọba 22:22

Orhiọn nii keghi kha wẹẹ, ‘I gha yo ya ru ẹe ne avbe akhasẹ Ehab hia gha ta ohoghe.’ E Nọyaẹnmwa keghi tama rẹn wẹẹ, ‘Gha khian ya rẹrẹ ọe, u gha sẹtin.’ ”

Job 1:11

U gha miẹn ẹre emwi hia ne ọ mwẹ, u gha miẹn wẹ, ọ gha sirra gha tie ihẹn ne uẹn!”

Job 13:28

Rhunmwuda ọnii nian, I keghi vbiolo kua zẹ vbe erhan ne ọ kẹkẹe, kevbe zẹ vbe ẹwu ne arriukpa re.”

Job 2:6

Ẹre Nọyaẹnmwa na tama Esu wẹẹ, “Ọ wa maa, a rhie ẹre yan ruẹn ohọ, sokpan ghẹ gbe ẹe rua.”

Job 30:30

Ikpakpa egbe mwẹ keghi khian enekhui, egbe mwẹ tọn rhunmwuda ọnii.

Job 7:5

Ọ khọe gba mwẹ egbe hia, te ehia ghi bannọ gheghe, ẹtẹ mwẹ hia gha ro kua.

Aizaia 1:6

Wa ke adesẹ uhunmwu ya sẹ owẹ, ihọkpa ne ọ gbae i ghi rre egbe uwa. Ẹwẹn ivbi ẹtẹ kevbe okobẹtẹ gba uwa egbe hia. A ma kpe uwa ẹwẹn ra ne a gbalọe. A ma rhie ukhunmwu ye rhọkpa.

Aizaia 3:17

I gha rri iran oya, I gha khiokhio iran uhunmwu, I ghi vbe gie iran gha re emwa ne eto i ghi rrọ ẹre uhunmwu.”

Diuteronomi 28:27

E Nọyaẹnmwa gha tue uruvba ku uwa, zẹ vbene ọ ru ivbi Igipt. Ọ ghi gie ẹtẹ gha salọ ladian vbe egbe uwa. Egbe uwa hia ghi gha bolo ikpakpa. Otọlọ ghi la uwa egbe sokpan a i ra miẹn ukhunmwu ẹnrẹn.

Diuteronomi 28:35

E Nọyaẹnmwa ghi gie ẹtẹ obalọ ne ẹ i mwẹ ukhunmwu gba owẹ uwa hia, uruvba gha gba uwa egbe kevbe uhunmwu ya sẹ atataowẹ.

Arhie Maan 16:11

Iran keghi ya ẹbọ yan Osanobua ne ọ rre ẹrinmwi rhunmwuda ẹtẹ kevbe obaloọ iran, sokpan, iran ma ladian vbe odẹ dan ne iran ye.