Job 17:3 - Edo Bible (E Baibol Ẹdo) Version 1996

³ Emwata ọ re I ta na, Osanobua, miẹn mwẹ ẹmwẹ na vbe obọ. Ọmwa ọvbehe I ghi rrọ ne ọ gha ya egbe ba mwẹ vbe ẹmwẹ ne I guan.

Job 17:3 ပူးပေါင်းရင်းမြစ်များ

Gẹnẹsis 43:9

Mẹ gha ye orhiọn mwẹ yan ye ihe ẹre, u ghi kae yọmwẹ urhu. A deghẹ ima dọlegbe rhie ẹre guẹ vbe egbe hẹnnẹdẹn, u ghi gha kpe mwẹ ba ẹre vbe ẹdagbọn mwẹ hia.

Gẹnẹsis 44:32

Ye vbe sẹ ọnii enọwanrẹn, uhunmwu mwẹ ọre I ya yan ye ọmọ nii vbe obọ erha mwẹ vbene I na tama rẹn wẹ a deghẹ I ma rhie ọmọ nii werriegbe giẹe, ne ọ kae yọ mwẹ urhu vbe ẹdagbọn mwẹ hia.

Job 5:1

“Go tie emwa nian, e Job. Ghe ẹre ghe, adeghẹ ọmwa rhọkpa gha khuẹnniẹn? Odibosa ọkpa rrọọ ne u gha lẹgbinna ra?

Job 9:33

Sokpan, ọmwa ne ọ ra guan ye ẹmwẹ na ne ima ẹ i rrọọ. A i miẹn ọmwa ne ọ gha bu ohiẹn imẹ vbe Osanobua.

Psalm 119:122

Yan wẹ u gha ye ọguọmwadia ruẹ obọ; ghẹ gie emwa ni hio hiẹnhiẹn yan mwẹ!

Itan 11:15

U gha kha ighe u gha mu osa orhunmwuyẹn hae, u gha gbe I ma rẹn. U ma zẹdẹ ye egbe hẹ vbọ, ọ re ọ fu egbe sẹ.

Itan 17:18

Ọzuọ okpa ọ re ọ kha ighe rẹn gha mu osa ẹrrẹe hae.

Itan 20:16

Ọmwa ne ọ ghi kọn sẹrriọ ne ọ na kha ighe rẹn gha mu osa ọrriọvbe hae, te ọ kere ne a viọ ẹre emwi dayi vbe ọ te do ha ẹre.

Itan 22:26

Ghẹ yan ighe u gha mu osa ẹrrẹe hae.

Itan 6:11

Sokpan, ẹghẹ ne ọ ya vbiẹ nii, ogue dekun ẹnrẹn zẹ vbe ikpata.

Aizaia 38:14

Urhu mwẹ ye wẹnrẹn, ọ ma vbe wegbe I ke gha tu ye uwu ẹko zẹvbe idu. Te aro mwẹ ghi ye kuọkuọkuọ, ne I ya ghe odukhunmwu. E Nọyaẹnmwa, wọlọ mwẹ hin uwu avbe ọlọghọmwa na rre.

Hibru 7:22

Alughaẹn ne ọ rrọ na, keghi rhie maa nian wẹ, Jesu ọrọre ama ne aro ya dae wẹ, ile ne ọ maa sẹ ọre ọ na khin.