Job 10:9 - Edo Bible (E Baibol Ẹdo) Version 1996

⁹ Yerre wẹ obuẹ ọ re u ya ma mwẹ, te u ghi ra vbe dunmwu mwẹ khian ebubẹ ra?

Job 10:9 ပူးပေါင်းရင်းမြစ်များ

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Job 10:10

Wẹ ọ re ọ rhie ẹtin ne erha mwẹ ya biẹ mwẹ, wẹ ọ re ọ gunmwẹ wan vbe ẹko iye mwẹ.

Job 17:14

I ghi tie idin wẹ erha mwẹ nọ avbe ọkhọe ni rriọ mwẹ, I ghi tie iran wẹ iye mwẹ kevbe etẹn mwẹ nikhuo ọre iran khin.

Job 33:6

Ọkpa ọ re mẹ vbe ruẹ khin vbe odaro Osanobua, obuẹ ọ re a ya ma ima eveva.

Job 34:15

te emwa ni rrọ hia gha wulo. Iran ghi dọlegbe khian ekẹn.

Job 4:19

Wẹ yayi ighẹ ọ gha mu ẹtin yan emwi ne a ye obuẹ ma? Emwi ne a ye ebubẹ ru, ne ọ giẹ a lọkọ ua zẹ vbe arriukpa?

Job 7:21

Wẹ i ya orukhọ mwẹ bọ mwẹ ẹdẹ ra? Wẹ i ye abakuru mwẹ bọ mwẹ? Ẹ i ghi kpee wan, I ghi la idin mwẹ. u gha gualọ mwẹ, sokpan, mẹ kpao nẹ.”

Job 7:7

“Osanobua, yerre wẹ, uhiọnrọnmwẹ ọkpa kẹkan ọ re ẹdagbọn mwẹ khin, oghọghọ ne I mwẹ fo nẹ.

Psalm 103:14

Ọ rẹn emwi ne a ya yi mwa ọ yerre wẹ, ekẹn ma khin.

Psalm 104:29

Wẹ gha fi iyeke gbe, ohan ghi gha mu iran, u gha miẹn iran uhiọnrọnmwẹ, iran ghi wulo, iran ghi dọlegbe ghe ekẹn ne iran ke rre.

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 22:15

Ẹho mwẹ kae zẹvbe ikpekhae, aranmwẹ mwẹ, keghi sikan mu ighehe mwẹ. U sẹmwẹ rae zẹvbe orinmwi ye uwu ebubẹ.

Psalm 25:18

Roro usẹ kevbe oya mwẹ ne u vbe ya orukhọ mwẹ hia bọ mwẹ.

Psalm 78:39

Ọ yerre wẹ emwa ni sẹtin wulo iran khin, zẹ vbe ẹhoho ne ọ hoho gberra, a ghi ho ẹre bẹkun.

Psalm 89:47

Yerre vbene ẹdẹ agbọn mwẹ kanmwa sẹ hẹ, yerre ighẹ te u yi ima hia ne a vbe sẹtin gha wu.

Psalm 90:3

Wẹ tama ọmwa, ne ọ werriegbe ghe emwi ne ọ ka khin u dọlegbe ya ẹe khian ekẹn.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Aizaia 45:9

Akhe obuẹ vbe gu ọmwa ne ọ ma ẹẹn gban ukpe ra akhe ne ọ yevbe nekpa hia? Obuẹ vbe nọ ọmakhe ra wẹ de emwi ne ọ ru yi? Akhe vbe sẹtin gui ra wẹ ọmwa ne ọ ma ẹẹn ma guẹ ona?

Aizaia 64:7

A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Aizaia 64:8

Sokpan, wẹ ọrọre erha mwa, Nọyaẹnmwa, te ima yevbe obuẹ, wẹ keghi yevbe ọmakhe. Wẹ ọ re ọ yi ima,

Jerimaia 18:6

“Mẹ i mwẹ asẹ ne I ya ru uwa ne ivbi Izrẹl zẹ vbene ọmakhe ru obuẹ ra? Te uwa ye vbene obuẹ ye vbe obọ ọmakhe vbe obọ mwẹ.

Ebe ne Pọl gbẹẹn gie emwa Rom 9:21

A rẹnrẹn ighẹ ọmakhe sẹtin ya obuẹ ma emwi ne ọ khọn rẹn, ọ sẹtin fian vbe obuẹ ọkpa nii ya ma akhe ọpuẹkẹ ra ọghe aghanghan.

II Kọrinti 4:7

Sevba, ma ni mwẹ emwi ighobioye orhiọn na, te ima yevbe akhe kẹkan ne a ya obuẹ ma, ne a miẹn ehe na rhie ma wẹ, ẹtin ne ọ sẹ ehia, ọghe Osanobua nọ, ighẹ ẹ i re ọghe ọmwa.