Job 1:8 - Edo Bible (E Baibol Ẹdo) Version 1996

⁸ E Nọyaẹnmwa keghi tama rẹn wẹẹ, “U ma miẹn ọguọmwadia mwẹ ighẹ e Job, orhiọnkpa irrọ vbe uhunmwu otọe agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ.”

Job 1:8 ပူးပေါင်းရင်းမြစ်များ

II Ọba 23:25

A ma he ka miẹn ọba ne ọ ye vbe ọre, ọmwa ne ọ wa ye ekhọe ẹre hia, ẹko ẹre hia keghi ẹtin ẹnrẹn hia gha lele uhi e Nọyaẹnmwa, ne ọ viọ ne Mosis. A ma ghi vbe miẹn ọvbehe ke ẹghẹ nii gha dee.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 12:4

Banbanna nian, uhin ighẹ te avbe ọse mwẹ ghi giẹ mwẹ, iran gha giẹ, a gha rhe miẹn ighẹ, ọmwata ọ re I khin, I ma rria abe. Sokpan, ẹghẹ ọkpa rrọọ, ne Osanobua na họn erhunmwu mwẹ.

Job 2:1

Ọ ghi vbe dọlegbe sẹ ẹdẹ ne avbe ighele ẹrinmwi do ya gha niẹn obọ vbe odaro e Nọyaẹnmwa, Esu kevbe dọlegbe gha rre evba vbe uwu ẹbu iran.

Job 2:3

E Nọyaẹnmwa keghi nọ rẹn wẹẹ, “U ma miẹn ọguọmwadia mwẹ ighẹ Job? Ọrhiọnkpa i rrọ vbe uhunmwu otọ agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ. U nọ mwẹ, I kevbe kue yuẹ ẹre wẹ ne a guẹ hẹ rhu ẹe vbe ne ẹ i na mwẹ emwi rhọkpa ne ọ ru, sokpan, te Job ye guobọmwẹ vbene ọ ka ye dee ẹdẹ.”

Job 34:14

Osanobua gha rhie uhiọnrọnmwẹ arrọọ werriegbe,

Job 8:20

Sokpan Osanobua i he ọmwa ne ọ guobọ ẹre ye otọ, ra ne ọ ru iyobọ ne emwa dan.

Psalm 18:23

Rẹn rẹnrẹn wẹ abakuru i rrọ mẹ kevbe wẹ, I bi egbe hin abakuru rre.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 36:1

Orukhọ gu ọmwa dan guan vbe uwu ekhọe ẹre, ọ he Osanobua ye otọ, ẹi vbe ya ọghọ ne ẹẹn.

Psalm 37:27

Fi iyeke gbe ọkhọ, gha ru emwiesi, ivbi uniẹn ruẹn gha yin otọe nii rhinrin ẹdẹ.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 89:20

I ya Devid ne ọguọmwadia mwẹ rri ọba nẹ, vbe ekpa ne I na sa ori ne ọ huanrẹn ye ọre uhunmwu.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 1:16

Wa khuẹ, ne egbe uwa huan. Wa dobọ emwi dan ne imẹ miẹn ighe uwa ru na yi. Ẹn, wa dobọ emwi dan ne a ru yi,

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Ezikiẹl 40:4

Rẹn keghi tama mwẹ wẹẹ, “Ovbi ọmwa, gbe aro kotọ, kakabọ danmwehọ ne u kakabọ ye avbe emwi ne I ra ma ruẹn re ẹro, rhunmwuda, ọnii ọ si ẹe ne a na mu ẹẹn gha die emwa na. U gha ya talọ emwi ne u miẹn hia ma ivbi Izrẹl.”

Nọmbas 12:3

(E Mosis keghi re ọmwa ne ọ mu egbe rriotọ sẹ emwa hia ni rre agbọn na.)

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Jọsua 1:2

“E Mosis ne ọguọmwadia mwẹ wu nẹ. Mu egbe nian, wẹ kevbe Izrẹl hia, wa fian Jọdan rra ne uwa gha rrie otọ ne I ra mu ne uwa.

Jọsua 1:7

Sokpan, u ghi wegbe ne u vbe kakabọ din; ne u vbe miẹn wẹ, wẹ wa lele uhi ni hia ne Mosis ne ọguọmwadia mwẹ gbe ne uwa. Ghẹ sẹ ọkpa rae vbọ, ọ ghi gha dinna odẹ nuẹn vbe ehe ne u gha rhirhi yo.