Job 1:5 - Edo Bible (E Baibol Ẹdo) Version 1996

⁵ Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Job 1:5 ပူးပေါင်းရင်းမြစ်များ

Job 42:8

Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

Job 8:4

Ọ gha kẹe, te ivbi uẹ rukhọ ghe Osanobua, ọ re ọ na rri iran oya ne ọ khẹke iran.

I Samuẹl 16:5

Rẹn keghi wanniẹn wẹẹ, “Ẹn, te I rre do zọ ese ghe Nọyaẹnmwa. Wa họnmwẹ egbe ne uwa bu mwẹ gha dee.” Ọ keghi vbe wẹ Jese kevbe ivbi ẹre họnmwẹ egbe, ọ na wẹ ne iran vbe gha die ehe izọese nii.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Iwinna 8:22

Rhunmwuda ọnii, ro iro fi uyinmwẹ werriẹ vbe emwi dan ne u mwamwaẹn na, ne u vbe na erhunmwu ghe Nọyaẹnmwa, ne ọ miẹn ehe na ya ẹe bọ ọ ighẹ ne u na gha zẹ egbe iro vbe nian vbe ekhọe ruẹ.

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

Gẹnẹsis 22:3

Vbe owiẹ vbe ẹdẹ ne ọ lelẹe, Ebraham keghi mu ekẹtẹkẹtẹ ọre, ọ na yọ emwi yọ ọre egbe, ọ na rhie Aizik kevbe eva vbe uwe eguọmwadia ẹre ba egbe. Ọ na giagia erhan eso ne a ra ya zọ ese, ọ na mu uhunmwu da ehe ne Nọyaẹnmwa tama rẹn.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

Iwinna 21:26

Ẹdẹ ghi gbe, Pọl keghi viọ emwa ni, ọ keghi de ba iran yo ulamwẹ akpehuan. Iyeke ọnii, ọ kegha rrrie uwu Ọgua Osa, ọ na ya tama iran inu ikpedẹ ne ọ khian gha khin ne ẹghẹ akpehuan gha ya gba, ne ọkpọkpa vbe uwu iran miẹn ehe na do zọ ese.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Iyẹn ne ọ Maan Ọghe Jọn 11:55

Emwiukpo Alagberra ne avbe Ju ru keghi bu otọ, emwa ni bun keghi ke dọmwadẹ ẹvbo kpao gha rrie Jerusalẹm ne iran ya do ugie ihọnmwegbe ye otọ khẹ emwiukpo.

Iyẹn ne ọ Maan Ọghe Luk 1:75

Ne ima gha re emwata ni huanrẹn vbe odaro ẹre. Vbe ẹdẹ agbọn ima hia.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Psalm 5:3

U ghi họn urhu mwẹ vbe owiẹwiẹmwọkpa ovẹn gha yan rre, I gha na erhunmwu mwẹ, I ghi mudia khẹ ewanniẹn ruẹn.

Job 41:25

Ọ gha guara kpaegbe, udu emwa ni wegbe sẹ ghi kpan fi ẹko. Ohan ghi luẹluẹ iran an.

Job 27:10

Oghogho ne ọ rhie rre gha te gha yẹ iran. Te iran gha na erhunmwu gha ere vbe ẹghẹ hia.

Job 2:9

Amwẹ ọnrẹn keghi tama rẹn wẹẹ, “Te u ye sikan mu ẹẹn vbe ne u ye de ẹdẹ, u he tie ihẹn ne Osanobua ne u wu?”

Job 1:11

U gha miẹn ẹre emwi hia ne ọ mwẹ, u gha miẹn wẹ, ọ gha sirra gha tie ihẹn ne uẹn!”

Nehimaia 12:30

Avbe ohẹn kevbe avbe Livai keghi ya egbe iran ye ulamwẹ ihọnmwegbe, kevbe ne emwa ni, avbe onurho kevbe ekẹn ẹvbo ni.

Ẹksọdọs 19:10

E Mosis keghi tama e Nọyaẹnmwa vbene emwa nii kha hẹ, e Nọyaẹnmwa keghi tama e Mosis wẹẹ, “Bu emwa nii gha khian ya tama iran ne iran mu egbe ugamwẹ ye otọ khẹ ẹrẹna kevbe ẹdẹ ne akhuẹ, ne iran họnmwẹ egbe ye otọ khẹ ugamwẹ. Wẹ ne irẹn họ ukpọn iran ne a miẹn wẹ,

Ẹksọdọs 18:12

Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

II Kọrinti 11:2

Ẹmwẹ uwa ọre ọ da mwẹ zẹ vbene ẹmwẹ uwa vbe da Osanobua, rhunmwuda te uwa ye vbe uvbi ne ọ ma he sakan ne imẹ ya ne okpia ọkpa kẹkan, ọnii nọ wẹ Kristi tobọ ẹre.

I Ọba 18:31

Ọ keghi munọ okuta iweva, ọkpọkpa ọghe ivbi e Jekọb, ọmwa ne Nọyaẹnmwa he ẹre Izrẹl.

Ẹksọdọs 24:5

Rẹn keghi gie igbama vbe uwu ivbi Izrẹl, iran na ya zọ ese ne a wa giẹn uan, iran na vbe gbele ẹkhuia ẹmila ya zọ ese ghe Nọyaẹnmwa, zẹvbe izọese ọghe isara.

Job 1:4

Ivbi e Job ghi gha le evbare tie egbe sowa ọsegbe ọsegbe. Iran ghi vbe gha tie etẹn iran nikhuo ne iran do gu iran rri evbare.

Job 6:14

“Ẹghẹ ọlọghọmwa vbenian, avbe ọse ne ọ guobọmwa ọ re I ho. Adeghẹ I fi iyeke gbe Osanobua ra ẹn o.

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.