Job 1:3 - Edo Bible (E Baibol Ẹdo) Version 1996

³ Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Job 1:3 ပူးပေါင်းရင်းမြစ်များ

Gẹnẹsis 12:16

Ọba keghi rhunmwuda ẹre gha ya obọ esi mu Ebram, ọ keghi viọ oghẹn ohuan kevbe ọghe ẹwe naẹn kevbe avbe ẹmila kevbe ẹsin kevbe eviẹn kevbe ekẹtẹkẹtẹ.

Gẹnẹsis 12:5

Ebram keghi rhie Sera ne amwẹ ọnrẹn, e Lọt ne ovbi ọtiọnrẹn, ẹfe ne irẹn mwẹ hia, ne iran khuan ẹn vbe Haran, kevbe eviẹn ọnrẹn hia iran keghi si okhian gha rrie Kenan.

Gẹnẹsis 13:6

Ehe ne avbe emwirri na rria ma sẹ ne iran gba gha rre ihọkpa, rhunmwuda emwirri ne iran eveva mwẹ bun gbe.

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Gẹnẹsis 25:6

Sokpan vbe ọ te wu, ọ keghi ye emwi ne avbe ivbi ẹre nikpia nekpa ne avbe amwẹ ọnrẹn nekpa biẹlẹ nẹẹn. Ọ keghi gie iran gha rrie odẹ ahọ, lahin ehe ne Aizik ne ovbi ẹre ye rre.

Gẹnẹsis 29:1

Jekọb keghi deyan okhian, ọ na mu uhunmwu da otọ avbe iran ni rre odẹ ahọ.

Gẹnẹsis 34:23

Emwirri iran, emwiewe iran kevbe ẹmila iran ghi do gha re ọghọmwa. Rhunmwuda ọnii, wa gie ima kue yọ ne iran gu ima yin ẹvbo.”

II Samuẹl 12:2

Enọfe ne ọ rrọọ kegha mwẹ ẹmila kevbe ohuan ni bun ẹsẹse.

I Ọba 4:30

E Solomọn keghi wan sẹẹ avbe umẹwaẹn ni rre odẹ ahọ kevbe avbe umẹwaẹn ni rre Igipt.

II Ọba 15:20

Obọ avbe emwa ni fee ni rre Izrẹl ọre Menahem na koko igho, rhunmwuda ọ keghi ye obọ yẹn iran ẹho wẹ ne ọkpọkpa vbe uwu iran ha esiliva ekigbesiyeha. Ẹre Tiglat Pailesa na dọlegbe gha rrie ẹvbo ẹre.

II Ọba 3:4

E Mesia ne ọba Moab, ohuan ọ re ọ rri, ukpukpo ọ re ọ ya ye ivbi ohuan arriaisẹn iyisẹn (100,000) kevbe eto ohuan arriaisẹn iyisẹn (100,000) mu ohan gie ọba Izrẹl.

II Krọnikol 26:10

Ọ keghi vbe bọlọ owa ọkhẹ uhae amẹ ni bun rhunmwuda, rẹn wa mwẹ oghẹn ẹmila ni bun vbe ototọ oke kevbe ehe ne ọ rriẹe ni rre odẹ orrie. Rhunmwuda ne irẹn na wa ho ẹmwẹ ugbo ne a gbe, ọ keghi wẹ ne emwa ni bun gha mu ugbo azara vbe otọe ni rre uhunmwu oke kevbe ne iran gha ya avbe otọe ni maa emwiokọ ni rrọ gbe ugbo.

II Krọnikol 32:29

Deba ena hia, Osanobua keghi viọ ẹmila kevbe ohuan ne ẹẹn kevbe avbe ẹfe ọvbehe ni bun sẹrriọ wẹ ọ keghi bu okpẹvbo ni bun ẹsẹse.

Job 1:10

U tan obọ gue ẹre, kevbe ẹgbẹe ọre kevbe emwi hia ne ọ mwẹ. U fiangbe emwi hia ne ọ ru. Ẹmila ne u hẹ ne ẹẹn vuọn otọe ẹvbo na hia.

Job 1:4

Ivbi e Job ghi gha le evbare tie egbe sowa ọsegbe ọsegbe. Iran ghi vbe gha tie etẹn iran nikhuo ne iran do gu iran rri evbare.

Job 21:28

Wẹ ma he gu ọmwa ne ọ khian ladian gha iyẹn ẹdẹ ra?

Job 29:25

I ghi mu unu gha ta emwi ne a gha ru, I ghi ke odaro ne iran zẹ vbene ọba ke odaro ne ivbiyokuo irẹn. I ghi fu iran ẹko rre vbe egbe a ghi wọ iran ye otọ nẹ.”

Job 31:25

ra ne I ya ẹfe mwẹ gha hio.

Job 31:37

I gha talọ emwi ne I he ru hia ma Osanobua, egbe ghẹ gha mu mwẹ wẹsẹwẹsẹ vbe odaro ẹre.

Job 42:10

Ugbẹn vbe Job ghi na erhunmwu ne esiọ re eheha nẹ, e Nọyaẹnmwa keghi dọlegbe giẹ agbọn ma rẹn, ọ keghi viọ emwi ukhukhu eva ọghe ne ọ te ka mwẹ ne ẹẹn.

Job 42:12

E Nọyaẹnmwa keghi fiangbe okiekie ẹdẹ agbọn e Job sẹ vbene ọ te ka fiangbe omuhẹn ọnrẹn. E Job kegha mwẹ ohuan arriaisẹn iwenẹ (14,000) e kamẹl arriaisẹn ehan (6,000) oghẹn ẹmila arriaisẹn eva (2,000) kevbe ekẹtẹkẹtẹ arriaisẹn (1,000).

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Jerimaia 49:28

Emwi ne Nọyaẹnmwa tae vbekpa ẹwae Keda kevbe avbe otọe ne Nebukiadneza ne ọba e Babilọn khọn rẹn, ne Hazọ gha kha yan ọ re ọna khin: “Dekun emwa Keda, ne u vbe fuẹn emwa odẹ ahọ nii uan!

Nọmbas 23:7

E Balam keghi guan ẹmwẹ akhasẹ na wẹẹ, “E Balak ne ọba e Moab ọ re ọ rhie mwẹ ke Siria ne ẹvbo oke ne odẹ ahọ gha dee. Ọ keghi kha wẹẹ, ‘Larre do gun mwẹ guan, fi avbe emwa Izrẹl unu.’

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

Giọgis 8:10

E Zẹba kevbe Zalmuna kegha rre Kakọ, iran kevbe ivbi iyokuo iran. Vbe uwu ivbi iyokuo ẹwae ni ke ato rre, arriaisẹn ekesugie (15,000) ọre ọ ghi ke ẹe, a gbele arriaisẹn iyehan (120,000) vbe uwu iran.

I Samuẹl 25:2

Okpia ọkpa kegha rrọ vbe ẹwae Keleb, a keghi tie eni ẹnrẹn Nabal. Ovbi ẹvbo ne a tie ẹre Moan nọ, sokpan, ẹvbo ne a tie ẹre Kamẹl ọ re ọ na gha winna ọ keghi re ọmwa ne ọ fe ẹsẹse, ọ kegha mwẹ ohuan arriaisẹn eha (3,000) kevbe ẹwe arriaisẹn (1,000). A kegha tie ọvbokhan rẹn Abigẹl, okhuo na keghi wa mose, ẹwaẹn vbe gba ne ẹẹn, sokpan ọdafẹn ọnrẹn kegha re ọmwa oya ne egbe balọ. E Nabal keghi gia eto ohuan ẹnrẹn vbe kamẹl,

I Samuẹl 27:9

ọ ghi gbele ikpia kevbe ikhuo ni rrọọ hia, ọ ghi viọ avbe ohuan ẹmila, ekẹtẹkẹtẹ, ogologo, uhin ya sẹ egbe ukpọn. Ọ ghi vbe werriegbe gha rrie Akis.