Job 1:1 - Edo Bible (E Baibol Ẹdo) Version 1996

¹ Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 1:1 ပူးပေါင်းရင်းမြစ်များ

Gẹnẹsis 10:23

Ivbi uniẹn Aram kegha re ivbi avbe ẹvbo ne a tie ẹre Uz, e Hul, e Gẹta kevbe Mẹsiẹk.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

Gẹnẹsis 36:28

Disian ọ re ọ gha re erha odede avbe Uz kevbe Aran.

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

I Krọnikol 1:17

Ivbi e Siẹm ne ikpia kegha re Ẹlam, Asiọ, Apaksiad, Lud, Aram, Uzi, Hul, Gẹta kevbe Mẹsiẹk, iran na ọ vbe re avbe erha odede emwa ne a tie vberriọ.

Job 1:8

E Nọyaẹnmwa keghi tama rẹn wẹẹ, “U ma miẹn ọguọmwadia mwẹ ighẹ e Job, orhiọnkpa irrọ vbe uhunmwu otọe agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ.”

Job 2:3

E Nọyaẹnmwa keghi nọ rẹn wẹẹ, “U ma miẹn ọguọmwadia mwẹ ighẹ Job? Ọrhiọnkpa i rrọ vbe uhunmwu otọ agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ. U nọ mwẹ, I kevbe kue yuẹ ẹre wẹ ne a guẹ hẹ rhu ẹe vbe ne ẹ i na mwẹ emwi rhọkpa ne ọ ru, sokpan, te Job ye guobọmwẹ vbene ọ ka ye dee ẹdẹ.”

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Job 4:6

U ga Osanobua, uyinmwẹ ruẹn ma vbe gha mwẹ okan. Rhunmwuda ọnii, ọ kere ne u gha mwẹ ekhọe ne ọ sotọ kevbe idaehọ.

Job 9:21

I ma rẹn ọkpa I ma rẹn eva, sokpan mẹ i ghi zẹ yọ nian. Agbọn khan mwẹ nẹ. Emwi rhọkpa i ghi rrọọ. U rri asẹ ra te u rri abe. Te Osanobua ye fuẹn ima hia a.

Ẹksọdọs 18:21

Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Itan 14:16

Avbe umẹwaẹn ghi gha ya egbe lẹ ne orueghe, sokpan, avbe akpa i gbe aro kotọ, oguegue iran ya ru emwi.

Itan 14:2

Gha ta ẹmwata, u gha rhie ma wẹ u gele ya ọghọ ne Nọyaẹnmwa adeghẹ u i ta ẹmwata, ọnii rhie ma wẹ u i ru vberriọ.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 20:7

Emọ ni mwẹ erha ne ọ ta ẹmwata kevbe ne uyinmwẹ ọnrẹn vbe gba, uhunmwu esiesi ọ re iran khin.

Itan 3:7

Ghẹ gie ekhọe ruẹ gha guẹ zẹ iro wẹ u wan sẹẹ vbe ne u ye; emwi ọkpa wa nọ wẹ ne u gha họn ẹmwẹ ne Nọyaẹnmwa, ne u vbe gha biegbe hin abakuru rre.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Ezikiẹl 14:20

ọ gha khọnrẹn ne Noa, kevbe Daniẹl kevbe Job gha rre evba, omwa vbene a na miẹn wẹ mẹ ne Nọyaẹnmwa ne Udazi ọrọre Osanobua ne ọ rrọọ, iran i ra sẹtin miẹn ivbi iran ne arẹnegbe fan, egbe iran ọkpa ọ re iran ra ya uyinmwẹ esi iran miẹn fan.”

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Diuteronomi 18:13

Wa gha re emwa ne Nọyaẹnmwa gba ẹko ẹre fẹẹrẹ.”

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

I Pita 3:11

Ọ ghi zobọ vbe emwi dan do gha ru emwi esi. Ọ ghi gha gualọ ọfumwegbe, ọ ghi gha zọ uhio ẹre khian.