Jerimaia 9:24 - Edo Bible (E Baibol Ẹdo) Version 1996

²⁴ Adeghẹ ọmwa wẹ rẹn rhuọ emwi ne ọ gha ya rhuọ ọrọre wẹ ọ rẹn mwẹ ọ vbe rẹn vbene I ru emwi hẹ. Rhunmwuda ahoẹmwọmwa mwẹ i beghe, emwi ne ọ gbae kevbe ne ọ hẹnhẹn ọ re I ru. Mẹ ne Nọyaẹnmwa ta ẹe nẹ.”

Jerimaia 9:24 ပူးပေါင်းရင်းမြစ်များ

Psalm 20:7

Arhin eso mu ẹtin yan ikẹkẹ okuo iran, eso vbe mu ẹtin yan ẹsin iran. Sokpan ma mu ẹtin yan ẹtin e Nọyaẹnmwa ne Osanobua ima.

Psalm 34:2

1 gha rho ẹre ye iwinna ne ọ winna ẹn. Wa gie emwa ne a zẹ kpokpo hia, damwehọ ne iran vbe gha ghọghọ.

Psalm 34:3

Wa gunmwẹ wewe u kpọlọ mwẹ e Nọyaẹnmwa, wa gie ima koko rho eni ẹnrẹn.

Psalm 44:8

Ma gha rho ruẹ vbe ẹghẹ hia ma ghi vbe gha rhie ekpọnmwẹ nuẹn rhinrin ẹdẹ.

Psalm 44:9

Sokpan, banbanna nian, wẹ he ima ye otọ nẹ, u na gie iran khọn miẹn ima otọ uma ghi lele ivbi iyokuo ima ghe usun ladian.

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Aizaia 20:5

Iran ni mu ẹtin yan e Sudan, iran na vbe gha ya Igipt rhuọ, aro gha ru iran gboo, idaehọ iran ghi wu ye ihoi.

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Jerimaia 22:16

Te ọ gha danmwehọ ẹzọ ovbiogue sẹ otọ emwi hia keghi maa ne ẹẹn. Ọnii ọ re a ya a rẹn e Nọyaẹnmwa kha.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Ebe ne Pọl gbẹẹn gie emwa Rom 5:11

Sokpan ẹ i re erriọ ọ sẹe, te ima ghi sẹ ọyẹnmwẹ vbe uwu Osanobua vbe ekpa Nọyaẹnmwa Jesu Kristi ne ọ ya ima khian ọse Osanobua.

I Kọrinti 1:31

Rhunmwuda ọnii zẹ vbene ebe khare, “Ọmwaikọmwa ne ọ ho ne irẹn rhuọ, wẹ ne ọ gha ye emwi ne Nọyaẹnmwa ru rhuọ.”

II Kọrinti 10:17

Sokpan zẹ vbene ebe kha re, “Ọmwaikọmwa ne ọ ho ne ọ gha rhuọ, wẹ ne ọ gha ye iwinna ne Nọyaẹnmwa winnaẹn rhuọ.”

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Galatia 6:14

Zẹ vbe ọghomwẹ, ẹmwẹ ugbugbe Nọyaẹnmwa Jesu Kristi ọkpa ọre I ra ya gha rhuọ, rhunmwuda, ẹmwẹ ugbugbe ẹre, ọre agbọn na ya khian orinmwi vbe obọ mwẹ, mẹ na vbe khian orinmwi vbe obọ agbọn na.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.