Jerimaia 9:22 - Edo Bible (E Baibol Ẹdo) Version 1996

²² Ikun orinmwi wa tagha lele ehe hia zẹ vbe emwi ne ọ ya otọ khian nọmaa emwiokọ nibun, zẹ vbe ọka ne iran ni rhọ emwiokọ giagia nẹ, iran na sẹ ọe rae, avbe ọka ne ọmwa rhọkpa ma viọ. Ẹmwẹ ne Nọyaẹnmwa wẹ ne I ta ọ re ọnii khin.”

Jerimaia 9:22 ပူးပေါင်းရင်းမြစ်များ

II Ọba 20:13

E Hẹzekaia keghi miẹn iran yi, ọ na vbe ma iran ẹfe irẹn hia, esiliva ẹre, igoru ẹre oziza kevbe ori ni winhin ne ọ mwẹ, kevbe emwi ne ivbi iyokuo ẹre ya gbinna. Emwi ọkpa i vbe rre aza ẹre ra otọe arriọba ẹre ne ọ ma ma iran ẹre.

II Ọba 20:15

“De emwi ne iran miẹn vbe ẹguae?” Iran wa miẹn emwi hia, emwi ọkpa i vbe rre aza ne I ma rhie ma iran.

II Ọba 9:37

a gha zanzan ikun ẹnrẹn ku evba zẹ vbe isan ẹmila sẹrriọ wẹ ọmwa rhọkpa ighi rẹn ehe ne ọ khin vbe egbe!’ ”

Psalm 49:7

Ọmwa ọkpa ne ọ gha sẹtin dẹ egbe ẹre werriegbe i rrọọ. Ẹ i sẹtin ha osa ive orhiọn rẹn werriegbe ne Osanobua.

Psalm 83:10

U khọn iran muotọ vbe Ẹndọ, ikun iran keghi kẹkẹ ye otọ.

Itan 18:11

Sokpan emwa ni fe ghi gha mwẹ ọnrẹn vbe ekhọe wẹ te ẹfe iran degue iran zẹvbe ekẹn ne ọ wegbe ne a gbe lẹga okpẹvbo.

Itan 23:4

Gie ẹwaẹn gba nuẹn sẹrriọ ne u i ra na wiẹn egbe ruẹ ua ighẹ te u gualọ ẹfe.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 25:33

Ọ gha sẹ ẹdẹ nẹdẹrriọ ikun avbe emwa ne Nọyaẹnmwa gbele ghi ye bẹẹrẹ lele otọe ke obọkpa vbe ehe ne agbọn sẹe ya sẹ obọ nọkpa. A i miẹn ne ọ gha khiẹ iran, a i ra vbe viọ iran kpao ne a ya re iran. Ehia gha rre otọ bẹẹrẹ vbe ẹtẹbọ ekẹn nekhui ne a ya ye otọe maa emwiokọ.

Jerimaia 6:21

Rhunmwuda ọnii, I gha gie iran na rrua owẹ ne iran dele. Erha kevbe avbe emọ gha wulo, erriọ vbe nọ ne avbe ọse kevbe ẹdogbo.”

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Habakọk 1:11

Iyeke ọnii, iran ghi bi gha khian vbe ẹhoho, iran rrie; ighe avbe emwa na ne ẹtin iran re ẹbọ ne iran gho.”

Zẹfanaia 1:17

E Nọyaẹnmwa khare wẹẹ, “I gha gie emwi nọ wegbe rruan emwa ne agbọn sẹrriọ wẹ edọmwadẹ ọghe ọe ghi gha ye obọ baba odẹ khian zẹ vbe arhuaro. Iran rukhọ ghe mwẹ nẹ, banbanna nian, te a ghi ra gbe esagiẹn iran ye otọ zẹ vbe amẹ, ikun orinmwi iran ghi vbe gha kẹkẹ ua vbe otọ.”

Diuteronomi 8:17

Rhunmwuda ọnii, wa ghẹ ro ighẹ ẹtin kevbe iwegbe obọ uwa ọ re uwa ya họn ẹfe ne egbe rua.