Jerimaia 9:20 - Edo Bible (E Baibol Ẹdo) Version 1996

²⁰ Mẹ keghi kha wẹẹ, “Wa ne ikhuo, wa danmwehọ e Nọyaẹnmwa, ne uwa vbe rhie ehọ ye ẹmwẹ ọnrẹn, wa ma ivbi uwa nikhuo vbene a khiẹ hẹ, kevbe avbe ọse uwa vbene a so ihuan irorinmwi hẹ.

Jerimaia 9:20 ပူးပေါင်းရင်းမြစ်များ

Job 22:22

Gha ya emwi ne ọ ma ruẹn re ru emwi rhie ẹmwẹ ọnrẹn mwẹ vbe ekhọe ruẹ.

Aizaia 3:16

E Nọyaẹnmwa khare wẹẹ, “Ghe vbene ikhuo e Jerusalẹm hio hẹ. Iran ghi gha tọn ukpihue mu khian. Iwinna ọghe ọ re ọ mu iran. Iran ghi gha zẹ owẹ gain gain, emwiobọ ne iran ya te egbe ghi gha tu giẹin giẹin.

Aizaia 3:4

E Nọyaẹnmwa gha ru ẹe ne a miẹn wẹ ibiẹka ikpia ni ma rẹn ne a ye ọ re ọ ra gha khaemwisẹ yan iran.

Jerimaia 14:16

Erriọ ọ re a ra vbe gbele iran ne iran talọ avbe ẹmwẹ na ma. A gha filo ikun iran ku adesẹ ore Jerusalẹm, a i vbe miẹn ọmwa ne ọ gha re iran. Emwi ne ọ ra rruan iran hia ọ re ọna khin, ya sẹ egbe avbe amwẹ iran, ivbi iran nikpia kevbe ivbi iran nikhuo. I gha ru ẹe ne iran ha osa ekhọe dan iran.”

Jerimaia 23:16

E Nọyaẹnmwa ne Oghodua tama ivbi e Jerusalẹm, “Wa ghẹ danmwehọ ẹmwẹ ne avbe akhasẹ ta, idaehọ ohoghe ọre iran ya koko uwa. Emwi ne ọrre iran ekhọe ọre iran tama uwa, ẹ i re ẹmwẹ ne imẹ tae.

Jerimaia 23:28

Akhasẹ ne ọ minaẹn, giee kha ighe imina kẹkan nọ, sokpan akhasẹ ne ọ họn urhu mwẹ, we ne ọ ya ta uhunmwu ne I gie kpẹghẹ. De emwi ne a ye ihunhun ru vbe ehe ne ọka ye yi?

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Jerimaia 9:12

Mẹ keghi nọ wẹẹ, “Nọyaẹnmwa, vbọzẹ ne a na rẹnkhẹn ẹvbo ni uan, ne ọ na ghi wa ka zẹ vbe ato, sẹrriọ ne a i ghi na miẹn emwa ni la ẹe gberra. De ọmwa ne ọ mwẹ ẹwaẹn sẹ ne ọ gha sẹtin rẹn otọ ọnọna? De ọmwa ne u rhan otọ ẹre ma, ne irẹn sẹtin ta ẹe ma emwa ọvbehe?”

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.