Jerimaia 9:18 - Edo Bible (E Baibol Ẹdo) Version 1996

¹⁸ Emwa nii keghi kha wẹẹ, “Wa tama iran ne iran zẹgiẹgiẹ, ne iran so ihuan irorinmwi ne ima, rhinrin aro mwa te vuọn ne ameve ne ifuẹn aro mwẹ gbọfọ rhunmwuda eve.”

Jerimaia 9:18 ပူးပေါင်းရင်းမြစ်များ

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 3:24

Sokpan, e Baal ne ẹbọ emwiekhue ne ima gha gho, wa miẹn ima emwi hin obọ rre, avbe oghẹn ohuan, ẹmila emọ ikpia, emọ ikhuo, avbe emwi hia ne avbe erha ima odede wa miẹn ẹsọn yi ke ẹkpo nẹdẹ gha dee.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 4:20

Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Jerimaia 9:20

Mẹ keghi kha wẹẹ, “Wa ne ikhuo, wa danmwehọ e Nọyaẹnmwa, ne uwa vbe rhie ehọ ye ẹmwẹ ọnrẹn, wa ma ivbi uwa nikhuo vbene a khiẹ hẹ, kevbe avbe ọse uwa vbene a so ihuan irorinmwi hẹ.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Eve Orriara 2:13

Eu, e Jerusalẹm, ẹvbo ne a ho ẹmwẹ ọnrẹn, e Jerusalẹm, vbe i a ghi ra miẹn ta? Vbe i a ra ya fu ruẹ ẹko rre hẹ? A ma miẹn ọmwa ne ọ he rri egbe oya ne uwẹ re na ẹdẹ. Ọkhọ ne ọ rruan ruẹn yevbe okun ne ẹ i mwẹ okhiẹ, idaehọ ighi zẹdẹ rrọ hiehiere.

Eve Orriara 2:18

Jerusalẹm, gie avbe ekẹn ne a gbe ga ruẹ datu tie Nọyaẹnmwa wa gie ameve uwa gha lẹ vbe ẹzẹ asọn kevbe avan, wa ya eve kevbe akhiẹ wiẹn egbe uwa a!

Eve Orriara 3:48

Ẹzẹ ameve lẹ vbe aro mwẹ, vbe I miẹn vbene a lọkọ emwa mwẹ hẹ.

Emọs 5:16

Rhunmwuda ọnii, e Nọyaẹnmwa ne Udazi ne Oghodua khare wẹẹ, “Eve kevbe ugomwẹ akhiẹ gha rre ore ẹvbo nii. Uhin wẹ te a ra ya tie avbe ọgbugbo nii iran do deba iran ni miẹn igho viẹ eve orinmwi, gha khiẹ emwa ni wulo.

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,